Rruga e Arbrit, përfundojnë 54 kilometra dhe 5 tunele, Balluku: Bypass tek tuneli i Murrizit!
Rruga e Arbrit, një nga rrugët e dhëna për ndërtim më partneritet publik-privat si pjesë e paketës “1 miliardë per rindetimin” të nisur nga qeveria, aktualisht ka të përfunduar 54 kilometra nga 70 në total si dhe pesë tunele. I fundit nga tunelet është ai i Murrizit ku aktualisht po kërkohet një zgjidhje pasi zbatimi është kompleks. Detajet i bëri të ditura Ministrja e Infrastrukturës dhe Energjisë, Belinda Balluku gjatë një vizite në kantierin e rrugës sëbashku me Kryeministrin Edi Rama. Balluku nënvizoi se aktualisht për tunelin e Murrizit po mendohet një bypass prej 9 kilometrash që del jashtë projektit por që kjo ende nuk është finalizuar pasi mbetet një alternativë.
“Jemi me ARRSH duke diskutuar për një zgjidhje tjetër teknike për tunelin e Murrizit duke qenë se është i fundit dhe më pas të gjashte tunelet përfundojnë kështu që zgjidhja besoj do të jetë shumë shpejt. Ndoshta edhe me një bypassim në një pjesë të tunelit pra duke dalë edhe jashtë, megjithatë jemi në rrugë të mirë dhe ka qenë pjesa më komplekse e rrugës që ka kërkur kohë për të ecur para dhe ndoshta edhe do të marrë pak më shumë kohë për t’u mbyllur tuneli.
Në muajt në vijim do të bëjmë një vizitë në terren për të parë kompleksitetin dhe zgjidhjn që do ti japim. Është një zgjidhje e një bypassi që mund të përfitojë dhe fshati pasi ky bypass është 9 kilometra por edhe na lehtëson” tha Balluku.
Gjatë vizitës në Urën e Vashës që është edhe më e larta e ndërtuar deri më tani në Ballkan me një lartësi 152 metra dhe gjatësi 316 metra ministrja tha se do të ketë një tjetër urë edhe më të lartë sesa kjo që është po pjesë e Rrugës së Arbrit. Bëhet fjalë për Urën në fshatin Fshat.
“Tashmë nga 70 kilometra gjatësi që ka rruga e Arbrit dhe nga 6 tunele janë përfunuar 5 tunele dhe më shumë se 54 kilometra tashmë janë të përshkrueshme. Jemi në fazën e hedhjes së asfaltit në muajin maj për gjithë pjesën ku është shtruar traseja dhe janë mbyllur të gjitha detajet e trasesë. Punimet kane ecur mire pavarësisht se ndodhen në muajin e 22 pra jemi fiks në mes të kontratës . Kemi pasur pak vonesë në javët e marsit meqë është ndalur puna dhe në kantier dhe më pas janë marrë masat dhe ka rinisur puna”tha Balluku.
Gjoka Konstruksion që po zbaton edhe kontratën fitoi garën për partneritetin publik privat në vitin 2018 me një ofertë prej 33.6 miliardë lekë./Monitor/
