Rrugë përplot me ushtarë, s’ka qytetarë por flamuj! Ja si e pret Washingtoni Presidentin e ri të SHBA

Inaugurimi i Presidentit të ri të Shteteve të Bashkuara në Washingon do të jetë një ditë që nuk mbahet mend, Joe Biden dhe Zv/Presidentja e tij Kamala Harris do të betohen në qytetin e shkretë përplot me ushtarë.

Banorët e Washingtonit janë urdhëruar të qëndrojnë në shtëpi dhe në mënyrë virtuale të ndjekin inaugurimin e Presidentit të 46-të të Shteteve të Bashkuara në mënyrë që të mos rrezikohen nga infektimi me koronavirus.

Për të ndaluar ndjekjen e ceremonisë së inaugurimit “live” do të kujdesen një numër i madh i forcave të sigurisë, të cilët janë shpërndarë në qytetin e barrikaduar, pas sulmit të 6 Janarit në Capitol.

Ceremoninë nuk do ta ndjekë as Presidenti i SHBA Donald Trump. Në momentin kur Joe Biden në mesditë do të vendos dorën mbi Bibël, Presidenti Trump do të jetë jashtë Washingtonit, duke e ndërprerë traditën e tranzicionit paqësor të pushtetit, për të cilën palët fajësojnë njëra-tjetrën.  

Mar-a-Lago

Në atë moment miliarderi i njohur do të jetë në Mar-a-Lago në Florida, ku do të udhëtojë mëngjesin e së mërkurës.

“Të gjithë ata që kanë pyetur, nuk do të marr pjesë në inaugurimin e 20 janarit,” e bëri të të qartë Presidenti Trump, në njërin prej twitteve të tij, kohë kur kompania e rrjetit social ende nuk kishte marrë urdhër ti mbyllte gojën Presidentit të SHBA!

Për turpin e të gjithëve, Presidenti Trump është presidenti i parë pas Andrew Johnson i cili në vitin 1869 refuzoi të marr pjesë në ceremoninë e betimit të pasardhësit të tij.

Sipas traditës, presidenti në ikje dhe zonja e tij e parë e presin çiftin presidencial në mëngjesin e ditës së betimit dhe së bashku shkojnë në Capitol.

Më 20 Janar 2021, Zv/Presidenti Mike Pence do të jetë prezent në ceremoni.

Garda kombëtare në rrugë

Pas sulmit të 6 Janarit në Kongres, tempulli i demokracisë amerikane u shndërrua në fortesë.

Më shumë se 20 mijë pjesëtarë të Gardës Kombëtare dhe ushtarë rezervë, të armatosur deri në dhëmbë patrullojnë nëpër qytet. Janë vendosur tela me gjemba dhe blloqe betoni në mënyrë që të mbrohen Shtëpia e Bardhë dhe Capitoli ose që të mbyllen rrugët kryesore.

Veteranët e luftës së Irakut, qendra e qytetit i kujton zonën e gjelbërt të Bagdadit.

National Mall, fusha e madhe nga përmendorja e Lincolnit deri te Capitoli, do të jetë e mbyllur për opinionin publik. Aty, ku tradicionalisht janë mbledhur qindra mijëra amerikanë për ta përshëndetur presidentin e ri.

Këtu janë vendosur rreth 200 mijë flamuj që do të simbolizojnë qytetarët që këtë vit nuk do të jenë prezent.

Policia amerikane tërheq vërejtjen se kërcënimet me sulme të armatosura nga grupimet e djathta ekstreme janë reale. Do të jenë në gatishmëri të lartë gjatë gjithë ditës historike.

Pandemia

Presidenti i ri, Joe Biden, ka planifikuar që pjesa më e madhe të inaugurimit do të jetë virtuale në mënyrë që të parandalohet përhapja e COVID-19. Me këtë, ai dëshiron që nga fillimi të bëjë dallimin me Presidentin Trump.
Pas betimit, Biden do të mbajë fjalimin tradicional me theks tek pajtimi i Amerikanëve.

Do të vazhdojë me performancën e Laddy Gaga e cila do të këndoj himnin amerikan së bashku me divën Jennifer Lopez.

Gjatë pasditës do të vendos kurora me lule në varrin e ushtarit të panjohur në Arlington me tre paraardhësit e tij të shoqëruar me bashkëshorte: George W. dhe Laura Bush, Bill dhe Hillary Clinton dhe Barack e Michell Obama.

Me ty kthyer, Presidenti i 46-të amerikan do të ndalet disa qindra metra nga Shtëpia e Bardhë, dhe Joe Biden do ti drejtohet rezidencës së tij të re në këmbë.
Atëherë do të publikoj dhe vendimet e tij të para presidenciale.

Në vend të ballos tradicionale dhe koncertit, mbrëmjen do ta kaloj para televizionit ku do të transmetohet një emision i veçantë të cilin do ta drejtoj aktori i njohur Tom Hanks, ndërsa Joe Biden dhe Kamala Harris do ti drejtohen opinioni publik përmes ekranit.

Fëmijë Scrantoni

Joseph Robinette Biden Jr. ka lindur më 20 nëntor 1942 në Scranton të Pennsylvanisë. Ky qytet minatorësh në vitet 1950 ka kaluar vite të vështira.

I ati kërkoi punë në shteti fqinj Delaware dhe më pas transferoi gjithë familjen në Wilmington. Joe Biden në atë kohë ishte 10 vjeç. Këtë qytet e shndërroi në bazën e tij.

“Babai im gjithmonë thoshte: ‘Kampion, madhështia e njeriut nuk matet me faktin se sa herë është rrëzuar në tokë, por sa herë i është dashur që të ngritet në këmbë’,” kujton shpesh fjalët e të atit Joe Biden.

Pennsylvania ishte shtëpia për fitoren zgjedhore. “Jetoj në Delaware, por jam bir Pennsylvanie, i lindur në Scranton,” thoshte shpesh gjatë fushatës.

Joe Biden është zgjedhur president në përpjekjen e tij të tretë, pas mossuksesit në zgjedhjet e demokratëve më 1988 dhe 2008.

Senator më shumë se 35 vjet (1973.-2009.), Zv/President nga viti 2009 deri në vitin 2017. Joe Biden ishte me dekada të tëra pjesë e estabilishmentit të Washingtonit.