Rumani-Kosovë, në Bukuresht fiton Serbia, ndërpritet ndeshja
Ndonëse ishte një përballje që zhvillohej pas një viti të tmerrshëm ku tifozët rumunë për fyerjet dhe nëpërkëmbjen që i bënë lojëtarëve të Kosovës u falemdneruan zyrtarisht nga Beogradi me thirrjen “Nderoni rumunët kudo që ti takoni. Në pjesën më të madhe janë me prejardhje Serb”, thirrje që u mirëprit në Bukuresht por u shpërfill nga futbollistët kosovarë zemërmirë që njohin një Bukuresht ndryshe, krimi u përsërit edhe në një ndeshje në kuadër të Ligës së Kombeve dhe fyerjet dhe përbuzja nuk arritën të përballohen deri në fund të ndeshjes!
“Kosova është Serbi”, dhe “Serbia, Serbia” ishin thirrjet më të ëmbla që dolën nga goja e tifozëve rumunë që nuk po i provokonin dot futbollistët kosovarë dhe avancuan me gjak dhe terror:
“Ubij, zakolji, da shiptar ne postoji!”/Lexo shqip: Vrit, ther në fyt, që shqiptari të mos ekzistoj!”/ ishin thirrjet serbe në një ndeshje ku po përballeshin dy përfaqësuese, por, nuk ishte Serbia, Rumani-Kosovë!
Kjo ishte dhe pika që derdhi gotën plot vrerë ndaj shqiptarëve të Kosovës që po luanin në një ndeshje të Ligës së Kombeve duke pasur parasysh moton e UEFA-s “stop racizmit” por gjyqtari nuk reagoi edhe pas tre kërkesave të bëra nga kapiteni Amir Rrahmani i cili u detyrua me shokët e tij të braktisin fushën!
Nga minuta e parë deri te largimi…
Lojtarët e Kosovës nuk iu bindën arbitrit dhe nuk dolën në fushë për ta vazhduar ndeshjen me Rumaninë, duk ei dhënë vetes të drejtë dhe jo Edi Ramës dhe Armando Dukës që nga sediljet VIP nuk trazohen pse përbuzet flamuri kombëtar, pse “Kosova është Serbi” dhe pse duhet “të theret shqiptari, që serbi të ekzistoj”.
Përfaqësuesja e Kosovës zhvilloi një paraqitje mbresëlënëse duke krijuar më shumë raste se Rumania, por ku gola nuk kishte deri në momentin e kobshëm.
Ndeshja u ndërprerë në çastet e fundit, nuk dihej se kur do të rifillojë, në një moment negociatash me zyrtarët e UEFA-s sikur palët ranë dakord për fillimin e ndeshjes por shërbëtorët besnik të Beograd filluan të intensifikojnë thirrjet nga tribuna dhe ia arritën qëllimit: Përfaqësuesja e Kosovës nuk doli në fushësm dhe arbitri me fanellverdhët me gjak serbi mbyllën këtë ndeshje pa fije turpi!
Pas ndërprerjes së ndeshjes, UEFA reagoi zyrtarisht!
“Ndeshja e Ligës së Kombeve në mes të Rumanisë dhe Kosovës është ndërprerë. UEFA do të dalë me informacione të mëtejshme në kohën e duhur,” thuhet në komunikatën zyrtare të publikuar menjëherë pas mbylljes së takimit.
Sipas rregullave të UEFA-s, nëse një kombëtare nuk vazhdon lojën për shkak të thirrjeve raciste, UEFA duhet të ekzaminojë nëse situata justifikon vendimin. Në varësi të hetimit, pasojat mund të prekin njërën ose të dyja palët, por rregulloret synojnë të mbrojnë futbollistët dhe të luftojnë racizmin në sport.
Ndryshe, në përballjen e parë në Prishtinë, Rumania fitoi me rezultat 3-0. Aktualisht, Grupi 2 në Ligën C kryesohet nga Rumania me dymbëdhjetë pikë, ndërsa Kosova ndjek me nëntë pikë, pasuar nga Qipro me tri pikë dhe Lituania pa pikë.
