Rusët kanë humbur shumë helikopterë sulmues. Shërbimi sekret i Britanisë jep arsyet
Të paktën 23 helikopterë sulmues rus Ka-52 HOKUM i kanë humbur Forcat Ajrore të Rusisë që nga fillimi i pushtimit rus të Ukrainës, thekson ministria e Mbrojtjes e Britanisë në raportin e fundit mbi situatën në Ukrainë.
“Kjo është më shumë se 25 për qind e flotës së Forcave Ajrore të Rusisë në shërbim nga 90 Ka-52 dhe gati gjysma e helikopterëve të humbur rus në Ukrainë. Helikopterët sulmues rus, sipas të gjitha gjasave kanë pësuar dëmtime të veçanta nga sistemet ukrainase të mbrojtjes kundërajrore MANPADS,” thuhet në Raport duke shtuar se helikopterët rus janë të dobët përballë avionëve luftarak, gjë që nuk parashikohet me doktrinën ushtarake ruse.
Latest Defence Intelligence update on the situation in Ukraine – 25 October 2022
— Ministry of Defence ?? (@DefenceHQ) October 25, 2022
Find out more about the UK government's response: https://t.co/bZmLpOMrm8
?? #StandWithUkraine ?? pic.twitter.com/xz5YZDfgkT
Shërbimi sekret i Britanisë, tutje në Raport thekson se Rusia ende nuk arrinë të mbajë epërsi të duhur ajrore në mënyrë që të realizoi mbështetjen efikase ajrore në afërsi të linjës së frontit, ndërsa municioni i artilerisë është duke mbaruar.
“Komandantët rus, siç duket, po i shmangen misioneve me rrezik të lartë të helikopterëve sulmues si njërës prej opsioneve të rralla në dispozicion për ti dhënë mbështeteje të afërt forcave tokësore në luftë,” thekson Shërbimi sekret i Britanisë.
