“Rusia e vogël në Ballkan”, Vuçiç: Çfarë Ballkani, 62% e investimeve të huaja shkojnë në Serbi!

Presidenti i Serbisë, Aleksandar Vuçiç, duke reaguar në deklaratën se Serbia me armatimin e saj po bëhet kërcënim për Ballkanin Perëndimor dhe po luan si Rusia, i dha një mesazh të qartë edhe Perëndimit mbi pretendimet shekullore që ka shteti serb, se nuk e kupton për çfarë Ballkani po flasin kur 55 për qind e ekonomisë së Ballkanit Perëndimor është Serbi, ndërsa shteteve të Ballkanit pa dashje u thotë se është ky Perëndim që po e zhvillon këtë ekonomi serbe, ku 62 për qind e investimeve të huaja shkojnë në Serbi!

“Serbia kur armatoset, para së gjithash armatoset nga industria vendore. Armatoset për të ruajtur emirn e vet, mbiemrin e vet, që të ruaj qiellin e vet, vendin e vet. Që xhuxhëve të ndryshëm, mos t’ju shkoj mendja që sërish të mund të marrin territore serbe, siç bënë shumë herë më parë. E Serbia kurrë në asnjë mënyrë nuk e ka kërcënuar askënd,” tha Vuçiç pas takimit me liderët politik serb thuajse po u flet radikalëve të vet që edhe të kaluarën serbe e fshijnë me urdhër partie ndërsa kishte një mesazh interesant për ata që e akuzojnë se po armatoset duke e bërë të qartë se kjo i mundësohet pikërisht nga Perëndimi. 

“Kur flisni për ekonominë e Ballkanit Perëndimor, 55 për qind e Ballkanit Perëndimor është Serbi, 62 për qind e investimeve direkte të huaja shkojnë në Serbi. E për çfarë Ballkani Perëndimor flisni, e nuk flisni për Serbinë?” tha megallomani më i madh i të gjithë çmendurive ekspansioniste serbe që sot nuk është rrezik vetëm për Ballkanin.

Ndryshe, e përditshmja serbe Telegraf raporton se  ky reagim vjen pas deklaratës së analistit ushtarak nga Bosnje Hercegovina, Nexhad Ahatoviç, i cili vlerësoi se armatimi i Serbisë është kërcënim për rajonin dhe se Serbia po luan rolin e “Rusisë së vogël” në përpjekje për të bindur botën serbe në rajon.