Rusia edhe kur vret akuzon, Zaharova: Helmetat e bardha kanë bërë krime!

Zëdhënësja e Ministrisë së Jashtme të Rusisë, Marija Zaharova duke folur për evakuimin e pjesëtarëve të organizatës “Helmetat e bardha” nga Siria, theksoi se pjesëtarët e saj “janë marrë me aktivitete provokuese dhe kriminale”.

“E kuptoj pse sirianët, zyrtarët dhe njerëzit e thjeshtë, ‘Helmetat e bardha’ dhe të gjithë ata që janë të lidhur me këtë organizatë i quajnë kriminel. Këta njerëz, që veten e quajnë humanitarë, kanë zbatuar aktivitete provokuese dhe vërtetë krimnlae dhe ky është fakt i dëshmuar,” theksoi Zaharova shteti i së cilës në tokën siriane njehë vetëm të vërtetën e Asaadit dhe asnjë gjallese tjetër, dhe deri sa i bashkohet në krime vazhdon edhe me politikën e tij të akuzës, duke shtuar se “Helmetat e bardha janë si formacione ushtarake, militantë e me raste edhe terrorist që veprojnë së bashku.”

“Bëjnë edhe provokime me përdorimin e armëve kimike dhe dizinformime,” akuzoj Zaharova organizatën humanitare Helmetat e bardha e cila mbështetet nga Perëndimi dhe ka për qëllim shpëtimin e civilëve në zonat e luftës, por regjimi i Asaadit ashtu sikur se Zaharova i akuzon për lidhje me ekstremistët dhe zbatimin e aktiviteteve propaganduese armiqësore.

Ndryshe, ushtria izraelite ka bërë të ditur se të dielën ka shpëtuar organizatën civile siriane, të njohur si Helmetat e Bardha, dhe familjet e tyre nga përshkallëzimi i situatës në zonën pranë kufirit.

“Civilët janë evakuar nga zona e luftës në Sirinë veriore për shkak të kërcënimit të jetës së tyre”. Evakuimi ishte kërkesë e Shteteve të Bashkuara dhe disa shteteve evropiane, deklaruan ata. Mediat në Izrael raportuan evakuimin e 800 personave në Jordan që pastaj udhëtuan për në Britani, Gjermani dhe Kanada.

Helmetat e Bardha kanë punuar në shpëtimin e civilëve në zonat e pushtuara nga rebelët që nga viti 2013.