Rusia: Grurin nga Ukraina do ta shesim në Irak, Iran dhe Arabinë Saudite
Shefi i administratës proruse në rajonin e okupuar të Ukrainës, Zaproizhji, Jevgenij Balicki, tha se ky rajon po planifikon të shes grurin ukrainas në Lindjen e Mesme, raporton Agjencia ruse e lajmeve, Tass.
Agjencia ruse e lajmeve raporton se shtetet kryesore që janë përfshirë në tregti janë Iraku, Irani, Arabia Saudite.
Ndryshe, Ukraina në disa raste ka akuzuar Rusinë se po vjedhë grurin ukrainas, gjë të cilën Moska zyrtare e ka përgënjeshtruar.
Dje, një zyrtar i lartë turk ka konfirmuar se Turqia ka ndaluar një anije transportuese ruse në Detin e Zi, në mënyrë që të hetoj pohimet e Ukrainës se po transporton grurin e vjedhur ukrainas.
