Rusia mbështet Thaçin, Zakharova: Serbia nuk do të ketë probleme!

Moska do të rrespektoj vendimin e Serbisë për çështjen e Kosovës, tha në Beograd, Drejtorja për media e Ministrisë së Jashtme të Rusisë, Maria Zakharova ndërkohë e pyetur për përcaktimin e kufijve me Kosovën, ajo ishte e prerë:

“Ju nuk do të keni probleme me këtë çështje!”

Duke mbështetur kështu idenë e Presidentit të Kosovës, Hashim Thaçi të shpalosur javë më parë, dhe e thënë nga goja e Aleksandar Vuçiçit pasditen e së enjtes, Zakharova shtoi se Rusia do të rrespektoj vendimin e popullit serb.

Ison Zakharovës ia mbajti shefi i diplomacisë serbe, Ivica Daçiç i cili tha se duhet të kenë turp ata që sot flasin se nuk ka ndryshim të kufijve:

“Kur janë pikërisht ata që kanë shembur kufirin tonë, duke hapur kështu kutinë e Pandorës!”

Zakharova u mburrë me vijimësinë e politikës së jashtme ruse, dhe tha se kjo vlenë edhe për çështjen e Kosovës e cila bazohet në të drejtën ndërkombëtare dhe sovranitetin e Serbisë.

Sot kur Rusia nuk ka mundësi të propagandoj “djepin e Serbisë” në Këshillin e Sigurimit të OKB, meqë këtë nuk po ja lejon Britania e Madhe si kryesuese e radhës me vendimin e fundit, Moska zyrtare u kujdes të jetë prezente në Beograd, në një konferencë të çuditshme shtypi, që u quajt e jashtëzakonshme, e ku merrnin pjesë ministri i Jashtëm i Serbisë, Ivica Daçiç nga njëra anë, dhe zëdhënësja e ministrisë së Jashtme të Rusisë nga ana tjetër, dhe kryesohej nga kjo e fundit.

“Çështja e Kosovës është bërë çështje ndërkombëtare dhe nuk i përket vetëm Serbisë,” tha Drejtorja për media e Ministrisë së Jashtme të Rusisë, Maria Zakharova duke përsësirtur qëndrimin e Rusisë i cili nuk ka ndryshuar dhe bazohet në Rezoltën 1244, ndërsa përfundoi:

“Rusia nuk do të pranoj tri gjëra: që dikush të thotë se Kosova është ndarë përmes referendumit, se ky është rast i veçantë në Еvropë dhe të rikujtohet historia.”