Rusia qëndron prapa veprimeve për destabilzimin e Malit të Zi

Rusia qëndron prapa shumë veprimeve me të cilat mendohet të destabilizohet Mali i Zi, tha Sekretari i Përgjithshëm i Partisë Demokratike të Socialistëve, DPS, Aleksandar Bogdanoviç, duke shtuar se për fat të mirë, duke e anëtarësuar Malin e Zi në NATO, përgjithmonë është përcaktuar rruga e saj.

“Është e qartë se Rusia qëndron prapa shumë veprimeve me të cilat mendohet të destabilizohet Mali i Zi. Qeverisë së brishtë, e cila varet pikërisht nga mbështetja e shërbëtorëve rus, nuk guxon ti shkon as nëpër mend që të reagoj ashtu siç duhet. Por, për fat të mirë, me anëtarësimin e Malit të Zi në NATO, përgjithmonë e kemi përcaktuar rrugën e saj,” shprehet Sekretari i Përgjithshëm i DPS, Aleksandar Bogdanoviç në reagimin e tij përmes rrjetit social Twitter.

Për zhvillimet e fundit në Mal të Zi dhe deklaratave se prapa qëllimeve për destabilizimin e Malit të Zi qëndron Rusia, zëdhënësja e Ministrisë së Jashtme ruse, Marija Zaharova, ka hedhur poshtë akuzat duke sulmuar Presidentin Milo Gjukanoviç, se e gjithë kjo ishte një përpjekje për të rivendosur pushtetin nën kontrollin e tij.