Rusia sulmon ashpër Ukrainën, avionët e Polonisë dhe NATO-n në ajr
Rusia gjatë natës ka zhvilluar një sulm të kombinuar të përmasave të mëdha ndaj infrastrukturës së Ukrainës. Komandanti i forcave ajrore ukrainase, Mikola Oleshçuk bëri të ditur se forcat kundërajrore kanë shkatërruar 57 nga 82 shënjestra ajrore.
Sipas të dhënave ukrainase, gjatë sulmit janë përdor raketa të ndryshme dhe dronë: 20 raketa kryqëzore Kh-101/Kh-555, 6 raketa supersonike Kh-47M2 Kinzhal, 12 raketa kundërajrore S-300, 40 dronë Shahed-131/136 dhe 4 raketa ajr-tokë Kh-59.
“Falemnderit të gjithë rojeve të ajrit që kanë zbrapsur edhe një sulm terrorist të okupatorit. Së bashku do të fitojmë,” thekson Oleshçuk përmes rrjetit social Telegram.
Ministri i Energjetikës i Ukrainës, Herman Halushçenko, u shpreh se rusët kanë gjuajtur objektet e infrastrukturës në pesë rajone.
“Armiku sërish sulmon infrastrukturën tonë energjetike! Janë sulmuar objektet e prodhimit dhe sistemet në Harkiv, Zaporizhja, Lavov dhe Kiev,” tha Halushçenko duke shtuar se shërbimet po punojnë në sanimin e pasojave të sulmit.
Gjatë sulmit u aktivizuan edhe forcat ajrore të Polonisë.
“Duhet ta keni parasysh se avionët polak dhe ata të aleatëve fluturojnë në hapësirën ajrore, që mund të rezultoj me një nivel të shtuar të zhurmës, në veçanti në juglindje të vendit.
❗️Uwaga, w przestrzeni powietrznej operują polskie i sojusznicze statki powietrzne, co może wiązać się z występowaniem podwyższonego poziomu hałasu, zwłaszcza w południowo-wschodnim obszarze kraju.
— Dowództwo Operacyjne (@DowOperSZ) April 11, 2024
Dzisiejszej nocy obserwowana jest intensywna aktywność lotnictwa dalekiego… pic.twitter.com/5cPKhrVbXN
Po vërehet aktiviteti intensiv i aviacionit me rreze të gjatë veprimi të Federatës Ruse i lidhur me sulme raketore mbi objektet që ndodhen në territorin e Ukrainës. Janë vënë në lëvizje të gjitha procedurat e nevojshme për sigurimin e hapësirës ajrore polake, ndërsa forcat ajrore janë duke vëzhguar në kontinuitet situatën,” kanë bërë të ditur autoritetet polake.
