Sakrament për Edi Ramën!
nga Agim Popoci
Njeriu që shkatërroi çdo institucion në këtë Shqipërinë tonë të dashur, që përbuzi, përçmoi dhe arrestoi çdo njeri që u shpreh me zë se nuk mendon si ai, njeriu që çdo pasuri shtetërore e shndërroi në PPP, njeriu që detyroi opozitën të largohet nga Parlamenti, njeriu që filloi themelimin e krijimit të një opozite të re, njeriu që përmes KQZ-së bëri edhe aktin e turpshëm përveç se të paligjshëm në përpjekje për të zëvendësuar Partinë Demokratike, Edi Rama, sot u shqetësua se zgjedhjet e 30 Qershorit janë në rrezik, dhe mori penën në dorë, për të bërë atë që mendohet se e bënë mirë, të shkruaj një Letër.
Dhe kujt i drejtoi këtë Letër publike?! Njeriut që e përçmoi në çdo mexhlis komunist, duke rrëfyer ato që ata i kanë biseduar kokë më kokë, pikërisht për Marrëveshjen e 17 Majit, të cilën ai e djegu me kriminelët e tij duke blerë vota, dhe sot akuzon sërish edhe përmes letrës publike, Kryetarin e PD, Lulzim Basha.
Ndonëse i bënë ftesë për dialog, ai që në fjalën e parë sërish e fyen, duke e quajtur edhe përpjekje për ti thirrur arsyes:
“Ju drejtohem me këtë letër publike, në përpjekjen për t’i thirrur arsyes Suaj dhe për t’iu kthyer të vetmes rrugë që demokracia njeh, për trajtimin e mosmarrëveshjeve mes palëve: Dialogut!”
Letra e Edi Ramës, edhe pse është publike vazhdon me renditjen e fakteve që nuk kanë të bëjnë aspak më realitetin, por fundi i saj është shumë shqetësues jo vetëm për shqiptarët:
“Me shpresën e vobektë se ftesa ime do të merret parasysh dhe me urimin, që përveç fjalive propagandistike, të marr mbrapsht edhe përgjigjen pozitive për këtë ftesë, Ju lutem zoti Kryetar të pranoni shprehjen e dëshirës sime të sinqertë për shëndet të patrazuar, për Ju personalisht dhe familjen Tuaj.”
Pra, ky njeri që për 6 vjet nuk u shqetësua për 3 milionë shqiptarë, për jetën dhe familjet e tyre, madje nuk u shqetësua edhe për njeriun që e solli në pushtet, Ilir Metën, të cilit “i shleu” borxhin duke e bërë President, por që ditën e parë filloi ta sulmoi; Dhe sot shprehë dëshirën për shëndet të patrazuar për Lulzim Bashën, njeriun të cilin që nga dita e parë që shkeli në politikë vetëm e ka sulmuar dhe ofenduar, si vetë ashtu edhe me mediat e tij të ndyra.
Po çfarë duhet të bëjë Lulzim Basha dhe populli shqiptar me këtë njeri që arrestoi njerëz pse nuk kishin para të paguajnë drita dhe i la të lirë biznesmenët me hotele dhe pika karburanti; Mori në dorë shëndetësinë që me 5 mijë lekë bëje hatanë në spital, për ta çuar në 5 milionë lekë nëse ke vendos të jetosh, dhe pas 6 vjetësh e pranon se shëndetësia falas nuk ishte ajo shëndetësi që duam; Mori policë barkderra dhe i zëvendësoi me kultivues hashashi; Mori sistemin gjyqësor për ta reformuar dhe e la pa Gjykatë Kushtetuese dhe pa Gjykatë të Lartë; Largoi demokratët e Saliut nga administrata dhe si zëvendësoi me spiunat e Sigurimit të Shtetit të Enver Hoxhës, dhe sot kërkon dialog, në përpjekjen për t’i thirrur arsyes!
Jo vetëm që shëndetësia falas dështoi por nga kjo Letër publike tashmë është e qartë se Edi Ramën e shpëton vetëm Zoti, dhe duke u bazuar në rrëfimin e tij me Gjyshen se si është bërë Katolik, Sakramenti i vajimit është hapi i vetëm dhe i domosdoshëm për Kryeministrin dhe kryetarin e Partisë Socialiste.
Që të mos keqkuptohen socialistët e shqetësuar tashmë pas kësaj Letre për kryetarin e tyre, si dhe demokratët për marrëzinë e shprehur në pak fjalë nga Kryeministri të cilin duan ta largojnë një orë e më parë, ky veprim i domosdoshëm duhet të bëhet vetëm për shkak të situatës së rëndë nëpër të cilën po kalon Edi Rama.
Çka është sakramenti? Fjala Sakrament vjen prej fjalës latine “Sacramentum” e cila në kohën e romakëve kishte disa kuptime. “Sacramentum” ishte: pengu i së vërtetës në gjyq, betimi i ushtarit në besnikëri ndaj shtetit, fshehtësi e shentë ndërsa në greqishten antike quhet mysterion.
Jezu Krishti me sakramente të ndryshme i shenjtëroi momentet kryesore të njeriut: me pagëzim lindjen, me rrëfim dhe kungim rritjen në hirin e Zotit, me përforcim (krezmim) pjekurinë shpirtërore të njeriut.
Në rastin e njeriu kur shkruan një Letër të tillë publike, pra nuk është mirë, kur jeta e tij është në rrezik, Krishti, ashtu si edhe çastet tjera më të rëndësishme të jetës i shpërbleu me mundimin dhe vdekjen e vet dhe i shenjtëroi me sakramentin e vajimit.
Vajimi liron të sëmuarin prej mëkatave që mbeten pa u rrëfyer: qoftë për shkak të të harresës, qoftë për shkak të paaftësisë së të sëmuarit për rrëfim – sepse s’mund të flasë më, ose s’është i vetëdijshëm aspak. Kuptohet falen vetëm mëkatet për të cilat njeriu pendohet! Kështu vajimi është edhe përkryerja e pendesës së krishterë.
Po kush do ti bëjë Edi Ramës sakramentin e vajimit?! Natyrisht, socialistët e tij do të dëshironin Nexhmije Hoxhën meqë është gjallë; Mjaftistët e Erion Velisë, Gerorge Soros meqë edhe ai vazhdon të jetë gjallë; Demokratët natyrisht se do të dëshironin që këtë ta bëjë Sali Berisha meqë është gjallë; Por çfarë të bëjmë me mëkatet që janë shumë! Shën Jakobi thotë:
“Nqs është ndokush ndër ju i sëmurë, le ta thirrë udhëheqësin e Kishës, ai le të lutet mbi të duke e lyer me vaj, në Emër të Zotit, dhe urata e fesë do ta shpëtojë, shërojë të sëmurin dhe Zoti do ta ripërtrijë e nëse ka bërë mëkate do ti falen”. (Jak.5.14-15)
Meqë shqiptarët janë zemërgjerë dhe nuk urojnë vdekjen e askujt e socialistët i besojnë Zotit vetëm kur janë në hall, nuk duhet të harrojnë se lyerja me vaj në ballë e në duar përcjellet me fjalët që askush më mirë nuk do ti uronte një njeriu që shkruan një Letër publike të këtij lloji:
“Me këtë lyerje të Shenjt si dhe me mëshirën e vet të madhe e ndihmoftë Zoti me shërimin e Shpirtit Shenjt. Amen. Të liroftë nga mëkati e të shëlboftë e me mëshirë të madhe të rikthej shëndetin. Amen.”
