Sali Berisha NON GRATA, Edi Rama me çafka, po ndarja e Kosovës?!
Pas shpalljes NON GRATA të Ish-Presidentit Sali Berisha nga ana Sekretarit amerikan të Shtetit, Antony Blinken, ka reaguar Kryeministri Edi Rama me një ironi të çuditshme duke theksuar se për herë të parë kërkuesit kanë hasur çiftin e qyqes me çafkë edhe pse ky akt tashmë është e qartë që hap shumë rrugë, ku ndarja e Kosovës nuk është më vetëm “non paper”
“Shqipëria, falë edhe Moratoriumeve të Pyjeve e të Gjuetisë, si edhe qasjes së re tërësore ndaj mjedisit, po ripërtërihet. Tanimë ajo konsiderohet një qendër e preferuar e Shpendëve të Rrallë dhe për herë të parë kërkuesit kanë hasur çiftin e qyqes me çafkë në zonën e mbrojtur Vjosë-Nartë ku ka lëshuar vezë, duke shtuar familjen e larmishme të shpendëve në këtë vend të bekuar,” shprehet Edi Rama në reagimin e tij përmes rrjetit social Facebook sot kur e ka rrugën e hapur për të realizuar edhe koalicionin e paralajmëruar qeverisës pa u penguar nga Sali Berisha NON GRATA por aspak më i korruptuar se dje kur Sekretari Blinken nuk e kishte shpallur të papërshtatshëm.
Sot, Sali Berisha “armik i SHBA” natyrisht që nuk do ta ketë më as vokacionin kombëtar që kishte ndër shqiptarë të shumtë që parandaluan dhe ndarjen e Kosovës, ndarje e cila tashmë nuk do të jetë vetëm në “non paper”; Ose më saktë do të vazhdoi projekti aty ku i ngeci i Edi Ramës dhe Aleksandar Vuçiçit, për zgjidhjen e shpejtë dhe pragmatike të Konfliktit të Kosovës i cili nuk është më vetëm i ngrirë por edhe bezdisës për klasën politike që po sundon në Ballkan!
Në fund, SHBA mund të shpall të gjithë ish-drejtuesit shqiptar NON GRATA ama në Shqipërinë e drejtuar nga Edi Rama, kurrë, as atëherë, nuk do të funksionoi as Moratoriumet e Pyjeve dhe Gjuetisë, as ripërtrirja e qasjes tërësore ndaj mjedisit.
