Sali Berisha NON GRATA, Yuri Kim: Shqipëria po ndryshon!

Shqipëria po ndryshon! Kështu u shpreh sot Ambasadorja e SHBA në Tiranë, Yuri Kim, pas shpalljes Ish-Presidentit Sali Berisha NON GRATA nga Sekretari Amerikan i Shtetit, Antony Blinken, ndërsa u pyet nëse kishte rol në këtë vendim dhe a është Berisha i pari nga peshqit e mëdhenj duke shtuar se ditët e pandëshkueshmërisë duhet të përfundojnë.

“Mesazhi është ky: Shqipëria po ndryshon, Shqipëria është anëtare NATO-s Shqipëria do të jetë në BE, është mike dhe aleate e SHBA-ve. Shteti ligjor duhet të prevalojë. Duhet të jetë një vend i pastër dhe që të vijë kjo, askush nuk mund të jetë mbi ligjin. Ditët e pandëshkueshmërisë duhet të përfundojnë dhe të gjithë duhet të punojmë për këtë”.

Ndryshe, këto komente Ambasadorja e SHBA në Tiranë, Yuri Kim, i ka bërë në Pashaliman ku po ndjek stërvitjen ushtarake në kuadër të “Defender Europe 2021”.

Ndryshe, Sekretari amerikan i Shtetit, Antony Blinken, duke bërë të ditur përmes rrjetit social Twitter se ka shpallur Sali Berishën dhe familjen e tij të papërshtatshëm për hyrje në SHBA sqaron:

“Akte korrupsioni të ish-Presidentit të Shqipërisë, Sali Berisha, minojnë demokracinë në Shqipëri. Unë shpall publikisht Sali Berishën dhe anëtarët e familjes së tij si të papërshtatshëm për hyrjen në Shtetet e Bashkuara. Ne mbetemi bashkë kundër korrupsionit me partnerët tanë në Shqipëri!”