Saliu nuk frymëzon! Rroftë Diktatori!
nga Agim Popoci
Në kulmin e zbulimit të skandaleve me Inceneratorët, Tunelin e Llogarasë, AKSHI-t, Duranas etj. ku janë vjedhur qindra miliona euro nga banda e Edi Ramës, mediat në shërbim të kësaj qeverie kriminale qëndrojnë në gjendje gatishmërie që nga momenti kur Partia Demokratike paralajmëron protesta, dhe me përfundimin e këtij eventi politik hidhen në sulm me urdhrin në fuqi:
Saliu nuk frymëzon!
I bombarduar nga njëra anë nga minjtë e rrjeteve sociale dhe nga ana tjetër nga analistët në televizionet kombëtare që kontrollohen nga Sigurimi i Shtetit, mileti duke e gjetur veten në kafe fillon dhe arsyeton apatinë e tij, por, e keqja nuk përfundon këtu!
Ky milet, që vazhdimin e vjedhjes së Edi Ramës me bandën e tij e arsyeton me faktin se Saliu nuk frymëzon, fillon të bind edhe ata rrotull që ka se me largimin e Sali Berishës do të ikë edhe Kryeministri Rama, ndonëse nuk ka një shembull të dytë që të rebelohet populli fillimisht me liderin e opozitës dhe më pas, të fillon ta shijoj largimin e diktatorit!
Kjo nuk po ndodhë së fundi as me Iranin, ku pushteti vrau mbi 500 protestues por ata sa shkojnë e shtohen, dhe, kërkojnë largimin e pushtetit kriminal aktual pa u shpërqendruar me mungesën e frymëzimit pse djali i Shahut kërkon të kthehet në pushtet, nga i cili nuk u largua në vitin 1979 se ishte udhëheqës i mirë as pse u largua lideri i opozitës, por, sepse ishte i korruptuar dhe nga ana tjetër terrorizoi dhe shkatërroi opozitën, siç bëri dhe po bënë Edi Rama!
Askush nuk mund të bëjë të ndihesh inferior pa pëlqimin tënd, e ka thënë shumë qartë, politikania, diplomatja dhe Zonja e Parë e Shteteve të Bashkuara për 12 vjet, Eleanor Roosevelt, ndërkohë këtë situatë absurde me miletin që dashuron Edi Ramën me hajdutët e tij sepse nuk e do Saliun, mrekullohet me shkatërrimin e familjes së tij nga Kryeministri Rama sepse nuk do të protestoj me Pastor Akilin, pranon ti besoj mashtrimeve dhe vjedhjeve të Lali Erit sepse protestat kundër i tij i organizon Belind Këlliçi, dhe, përqafon vjedhjet e Belinda Ballukut meqë ato i shërbyen fitores ndaj PD-së në Fier, nuk e pranon as psikologjia klinike jo më politika!
Sikur për një moment edhe të mirëkuptohet apatia, demotivimi dhe shterpësia emocionale që pengon veprimin e miletit për të protestuar kundër Edi Ramës dhe bandës së tij për shkak të pranisë së Sali Berishës në krye të protestës, kundërshtimi i përjetimit të kënaqësisë me rënien e këtij pushteti kriminal, që çdo ditë e më shumë po i fut duart në xhepat e këtij mileti, nuk është thjeshtë, Anhedoni!
Nëse Saliu nuk frymëzon për të marrë pjesë në një protestë të organizuar nga PD, siç arsyetohet nga analistët e Sigurimit të Shtetit, si është e mundur që vjedhjet e frikshme të pushtetit të Edi Ramës nuk shkaktojnë as lëvizjen më të vogël të gjakut në venën e një qenie njerëzore shqiptare, duke shoqëruar edhe futjen e duarve në xhepat e tyre nga një injorant si Kryeministri Rama, me një, Dezinfrymëzim Epik!
Këtë Anhedoni të miletit shqiptar ndaj një hajduti ordiner e bënë edhe më komplekse qetësia e tij olimpike me vendimet e Gjykatës Kushtetuese që e lejojnë arrestimin e Kryetarit të Bashkisë Tiranë, Erion Veliaj, dhe, Zv/Kryeministres e Ministres së Infrastrukturës dhe Energjisë, Belinda Balluku, por, jo dhe pezullimin e tyre nga puna; Dhe, nuk frymëzohen për të protestuar edhe pse vjedhja vazhdon, tenderat firmosen ndërkohë emërohen dhe shkarkohen klientë të ri të bandës kriminale!
Ndërkohë që e pranojnë mungesën e energjisë mendore e krijuese vetëm pse prezent është Saliu, edhe kur Drejtësia e Edi Ramës shtynë seancës për atë që e cilësuan “koka e krimit” së bashku me bashkëshortin Ilir Meta, Monika Kryemadhi, vetëm pse është e angazhuar si opinioniste në Big Brother!
Në fund, për këtë milet pa karakter që nuk reagon edhe pse poshtërohet në çdo çast të jetës së tij me arsyetimin se nuk frymëzohet nga lideri i i opozitës Sali Berisha, dhe, është dakord që mos të kthehet Saliu edhe me çmimin që të shekulloj Diktatori Edi Rama, i cili së fundi ju tha se për Kinën jemi “pika e mjaltit”, duhet ta ketë parasysh atë që filozofi legjendar kinez, Lao-Tze, e ka thënë shumë kohë më parë:
Kujdesu për mendimet e tua; ato bëhen fjalë. Kujdesu për fjalët e tua; ato bëhen veprime. Kujdesu për veprimet e tua; ato bëhen zakone. Kujdesu për zakonet e tua; ato bëhen karakter. Kujdesu për karakterin tënd; ai bëhet fati yt!
