Samiti i BERZH në Londër, Edi Rama: Nuk e di kush e shpiku këtë “Mini Shengen”?!
Edhe në Samitin e Bankës Europiane për Rindërtim dhe Zhvillim, BERZH në Londër mbi investimet 2020 në Ballkanin Perëndimor, Kryeministri Edi Rama foli si me Spiropalin dhe Manastirliun ndonëse ishte në një panel me kryeministrat e rajonit. Foli për gjithçka dhe nuk tha asgjë me qëllim që ti kthehet Mini Shengenit ku u bë sikur nuk e din se kush e shpiku këtë term ndërkohë është Vuçiç i cili orë e çast i cili jo vetëm që mburret me emërtimin por projektin në tërërsi, për të cilin, Presidenti i Serbisë thotë se e shpiku vetë.
”Ajo për çfarë nuk bie dakort me Anën (kryeministren e Serbisë) apo ai ose ajo që shpiku këtë Mini- Shengen, jam i sigurt që ka qenë ai, nuk e di ku e ka gjetur këtë Mini- Shengen. Nuk është aspak mini. Ne jemi mesatarisht më të gjatët në Europë si rajon. është rajonale, është një hapësirë e përbashkët rajonale që emërtohet Shengen që për të kuptuar se për çfarë bëhet fjalë,” tha Edi Rama ndërsa u dëgjua një hilaritet në sallë që nuk e pengoi Kryeministrin e Shqipërisë për të shtuar se Ballkani është në një pozicion të mirë dhe ka vetëm një autostradë që duhet të të ndërtojmë ”Ballkan Perëndimor- BE”.
”Së pari më lini që të shpreh mirënjohjen nga zemra për faktin që ka ndërmarrë këtë nismë dhe këtë rrugëtim gjatë gjithë këtyre viteve dhe jam këtu që qysh prej momentit të parë kjo ka qenë kaq e dobishme dhe rigjallëruese çdo vit e në fakt duhet të them se nga njëra anë procesi i Berlinit i filluar nga Merkel në të njëjtin vit që BERZH filloi këtë nismë kanë qenë ngushëllimi ynë pasi ndërkohë që në procesin e integrimit europian jemi përballur me mjaft beteja e me jo pak zhgënjime. Në këtë rrugëtim paralel, ekonomik, politik kemi gjetur mbështetje dhe sigurisht kemi bërë gjëra konkrete,” tha Edi Rama për rezervuar një falënderim për Kryeministrin e Kroacisë, Andrej Plenkoviç, si kryesues i radhës i BE:
“Së dyti dua të falenderoj Andrejin që mundi të vinte se ështrë shumë e rëndëishme për ne dhem endoj që të gjithë ne në këtë panel jemi mirënjohës për këtë Andrejit pasi Kroacia është agjenti ynë në Bruksel dhe në të njëjtën kohë është përkthyesi i Brukselit në rajon. është më e lehtë të përkthesh Brukselin tek ne se sa ne tek Brukseli.
Përpara se të të flas shkurtimisht për atë që më pyetët dua të falenderoj të gjitha ata që morën pjesë në Konferencën e Donatorëve por pjesa më e bukur ishte pjesëmarrja e vendeve të rajonit, kushdo që kontribuoi. Andrei sot nuk është ulur me ne por është pjesë e jona. Kanë dhënë një shpirt solidariteti dhe falë këtij forumi dhe shumë mbledhjeve të tjera dhe shpresoj që të jetë kjo frymë. Mos harroni deri në 2014 nuk ishim ulur kurrë të gjithë së bashku. Për t’u ulur pa armë, pa urrejtje, pa gjakderdhje dhe për të folur për të ardhmen. Tani duhet të vijojmë përpara dhe të ecësh përpara dhe të ndërtosh mbi këtë ta shndërrosh paqen në një instrument begatie dhe zhvillimi pasi e shkuara nuk është tërësisht pjesë e historisë. Kemi mosmarrëveshje dhe probleme por ne po punojmë së bashku dhe po ecim së bashku dhe të ndërtojmë një të ardhme për fëmijët tanë ndryshe nga ajo që trashëguam brez pas brezi.
Natyrisht kjo s’ka të bëjë thjesht me paqen por me zhvillimin ekonomik, të ardhmen, fëmijët tanë dhe kjo është arsyeja se pse besoj fort që ajo çka dhe mos duhet të bie dakort me Anën.
Shengeni Ballkanik bën fjalë për 4 liritë e Europës. Ndërkohë që flasim në kufij mallrat dhe njerëzit presin 1 mijë vjet në vit, pra është e panatyrshme. Kur bëhet fjalë për shqipërinë ne po ecim përpara. Duhet të tejkalojmë dëmin nga tërmeti megjithatë kemi një sërë programesh, kemi aeroportin e ri të Vlorës, parqet fotovoltaike apo investimet hidrike. Jemi në një pozicion të mirë. Ka vetëm një autostradë që duhet të të ndërtojmë ‘Ballkan Perëndimor- BE’. Ne na është dhënë veto shpesh në Këshillin Europian, nëse hiqni presidentin e BERZH ne mund të vendosim veton,” tha komiku më i suksesshëm në Samitin e BERZH në Londër duke rikthyer hilaritetin në sallë.
