Samiti i EPC, Vjosa Osmani: Kosova s’është vetëm e lirë e sovrane, por shembull për demokracinë!

Kosova nuk është vetëm e lirë, e pavarur dhe sovrane, por është edhe shembull për demokracinë, tha sot Presidentja e Kosovës, Vjosa Osmani, në prag të fillimit të Komunitetit Politik Evropian, EPC, ku u prit nga Kryeministri i ri i Mbretërisë së Bashkuar, Keir Starmer.

“Jam shumë e kënaqur që jam këtu dhe jam i kënaqur që përfaqësoj Republikën e Kosovës dhe këtë samit të katërt të Komunitetit Politik Evropian. Një kënaqësi edhe më e madhe të jem në Mbretërinë e Bashkuar, një vend me të cilin po festojmë njëzet e pesë vjet të një marrëdhënieje të shkëlqyer, që kur forcat britanike hynë në kryeqytetin tonë për të çliruar Kosovën nga një regjim gjenocidi.

EPC ka qenë gjithmonë një platformë e shkëlqyer që u jep të gjithëve një zë të barabartë dhe secili nga vendi që do të shihni këtu është një anëtar themelues i kësaj platforme,” tha Vjosa Osmani e bindur se pavarësisht pesimizmit që po shfaqet kohëve të fundit, sot këtu do të ketë storie shume optimiste.

Edhe pse nuk jemi anëtarë të Bashkimit Evropian, tha Presidentja e Kosovës, do të kemi mundësi të barabarta për shprehje jo vetëm të shqetësimeve, por edhe ideve, në mënyrë që ne të mund të kapërcejmë disa nga sfidat më të mëdha me të cilat përballen kontinentet.

“Siç e dini, këto nuk janë kohë të lehta, jo më pak për shkak të luftës në Ukrainë, për shkak të agresionit të Rusisë kundër Ukrainës që është në rrezik, arkitekturën e sigurisë së të gjithë kontinentit evropian, por në të njëjtën kohë është një mundësi e shkëlqyer për të kujtuar veten se ka histori suksesi si Republika e Kosovës,” tha Presidentja e Kosovës, Vjosa Osmani, duke vlerësuar se është shumë e rëndësishme që të qëndrojmë të bashkuar dhe të mbrojmë vlerat e demokracive nga forcat militante, siç është Rusia, por po aq e rëndësishme është lufta kundër përfaqësuesve rusë, sepse ata janë po aq të rrezikshëm sa Rusia dhe vetë Putini.

Ndryshe në Samitin e katërt të Komunitetit Politik Evropian, Kosova po përfaqësohet nga Presidentja Vjosa Osmani e cila do të marrë pjesë në dy sesionet plenare të EPC-së, si dhe në tryezën e rrumbullakët të liderëve me temë “Mbrojtja e demokracisë: luftimi i manipulimit të informacionit nga shtetet e huaja”.