Samiti i EPC, Vuçiç: Dihet se kush është fajtori për tensionet në Veri!

Në Samitin e Komunitetit Politik Europian, EPC, që po zhvillohet në Chishinau të Moldavisë, Presidenti i Serbisë, Aleksandar Vuçiç, ka akuzuar Kryeministrin Albin Kurti si fajtorin kryesor të situatës së krijuar në Veri të Kosovës, duke vlerësuar edhe sot se situata është shqetësuese dhe shumë e komplikuar.

I pyetur nëse SHBA po ndryshon kursin e saj, presidenti serb tha se kjo gjë nuk ka ndodhur.

“SHBA-të nuk po ndryshojnë kursin e tyre, thjesht është e qartë se kush është fajtori për një situatë, por strategjikisht asgjë në veçanti nuk do të ndryshojë në lidhje me Kosovën dhe situatën në rajon. Por ajo që është e rëndësishme është që ata mund të na dëgjojnë.

Situata është shumë e ndërlikuar. Është e rëndësishme që ne të përpiqemi të ruajmë paqen dhe stabilitetin,” tha Presidenti i Serbisë, Aleksandar Vuçiç, duke ritheksuar atë që thoshte dhe paraardhësi i tij, Slobodan Milosheviç, se Serbia do të bëjë gjithçka për të ruajtur paqen.

Dhe, në fund, bënë të ditur se ka diskutuar rreth kësaj situate në një takim ku ishin anëtarja serbe të presidences Bosnje Hercegvoinës, Zhelka Cvijanoviç, Presidentja e Greqisë, Katerina Sakelaropulu, Kryeministri i Maqedonisë, Dmitar Kovaçevski dhe Kryeministri i Shqipërisë, Edi Rama, dhe normalisht kur është ky i fundit aty nuk ftohet Presidentja e Kosovës, Vjosa Osmani.