Samiti i Londrës, 11 milionë paund për Ballkanin Perëndimor
Në kuadër të Procesit të Berlinit, në Londër po zhvillohet Samiti i shteteve të Ballkanit Perëndimor, ku pritet të firmosen katër deklarata: për krimet e luftës, personat e zhdukur, luftën kundër korrupsionit dhe marrëdhënieve rajonale dhe bashkëpunimit të mirë ndër fqinjësor.
Ngjarjet qendrore të Samitit fillojnë sot me pritjen e kryeministres së Mbretërisë së Bashkuar, Theresa May për shefat e delegacioneve të vendeve anëtare të Procesit të Berlinit, dhe vendeve anëtare të BE-së të pranishëm në samit, si dhe për përfaqësuesit e Komisionit Evropian.
Po ashtu, do të mbahet edhe sesioni plenar i kryesuar nga kryeministrja britanike, ku do të prezantohen planet për Samitin në Varshavë në vitin 2019. Në këtë sesion plenar, para të pranishmëve do të flasin kryeministri, polak Mateush Moravjecki, kancelarja e Gjermanisë, Angela Merkel dhe komisioneri për zgjerim, Johannes Hahn, të cilët do të flasin në temën “E ardhmja e Procesit të Berlinit”.
Ministria britanike e Punëve të Jashtme ka paralajmëruar se gjatë samitit, shefi i diplomacisë, Boris Johnson, tashmë i dorëhequr, do të bëjë publike ndihmën prej 10 milionë paund që Britania e Madhe do të jap për aftësimin dixhital dhe rritjet e mundësisë për punësimin e të rinjëve në Ballkanin Perëndimor si dhe një milion paund për zgjidhjen e trashëgimisë nga e kaluara duke përfshirë këtu identifikimin e viktimave gjaëtluftërave të viteve 1990.
Programi zyrtar i Samitit BE-Ballkani Perëndimor do të përfundojë me pritje për të gjitha delegacionet në St James’s Palace, të cilën do ta organizojë Princi Charles.
Ndryshe, delegacioni i Shqipërisë kryesohet nga kryeministri Edi Rama ndërsa ai i Kosovës nga kryeministri Ramush Haradinaj.
Pas një kohe të gjatë, ky është samiti i parë ku nuk do të dominojnë temat ekonomike, dhe do të fokusohet në politikë, bashkëpunim rajonal dhe siguri. Samiti i muajit maj që u zhvillua në Sofje, ku dominuan temat ekonomike dhe infrastrukturës, i konsumoj këto tema dhe samitit të Londrës iu la siguria dhe bashkëpunimi politik në rajon si dhe zgjidhjet e prombleve dypalëshe.
