Samiti i Paqes Paris, Josep Borrell takim me Albin Kurtin

Kryeministri i Kosovës, Albin Kurti në takim me Përfaqësuesin e Lartë pë Politikë të Jashtme dhe Siguri pranë BE, Josep Borrell, në Paris diskutuan rreth nevojës urgjente të avancimit të dialogut Kosovë-Serbi dhe diskutimit të radhës që do të zhvillohet në Këshillin për Punë të Jashtme në Bruksel rreth Ballkanit Perëndimor.

“Takim i mirë me kryeministrin Albin Kurti në margjina të Forumit të Paqes në Paris për të diskutuar bashkëpunimin rajonal, luftën kundër korrupsionit dhe progresin urgjentisht të nevojshëm në dialogun Beograd – Prishtinë,” thekson pas takimit Josep Borrell përmes rrjetit social Twitter duke përfunduar:

“Diskutuam rreth integrimeve evropiane, takimin e radhës të Këshillit për Punë të Jashtme për Ballkanin Perëndimor dhe angazhimin e rëndësishëm dypalësh.”

Ndryshe, Kryeministri i Kosovës, Albin Kurti dhe Përfaqësuesi i Lartë pë Politikë të Jashtme dhe Siguri pranë BE, Josep Borrell, po marrin pjesë në Samitin e Paqes që po zhvillohet në Paris.