Samiti i Procesit të Berlinit, Scholz: Sulmi në veri të Kosovës dha këtë mesazh…

Më i paqartë se kurrë, Bashkimi Evropian edhe sot në Samitin e Berlinit e trajton Kosovën si viktimë ashtu si dhe Izraelin, por njeh vetëm në agresor, Hamasin! Serbinë asnjëri nuk e njxerr nga goja deri sa Presidenti i saj, Aleksandar Vuçiç e braktisi këtë Samit dhe iku me Rusinë në Kinë!

Kështu dëshpëroi edhe Kancelari i Gjermanisë, Olaf Scholz, me fjalimin e tij, i cili nuk dihet se si do të vinte deri tek sulmi në veri të Kosovës sikur mos të kishte ndodhë ai i Hamasit!

“Është e qartë në formë absolute ne e dimë shumë mirë atë që po ndodhë jo shumë larg nesh me agresionin e Hamasit ndaj Izraelit dhe pasojat që mund të ketë. Ka ardhur koha për të tejkaluar konfliktet që kanë vijuar shumë më gjatë dhe që u mbajnë të gjithëve në vend numëro, edhe sulmi në veri të Kosovës e dha këtë mesazh,” tha Kancelari Scholz ndërsa foli për marrëveshjet e firmosura vjet ndonëse nga gjashtë shtete vetëm katër i kanë ratifikuar.

“Është sinjal i fortë edhe fortësinë që ka Rajoni në këtë proces. Integrimi brenda për brenda Rajonit dhe ecuria e BE-së. Ndikimi i marrëveshjeve të firmosura vjet te qytetarët e Ballkani Perëndimor është konkret. Çfarëdolloj ecurie që do të kemi për tregun e përbashkët rajonal është më konkret se kurrë.”

Ndryshe, pritshmëria e madhe e shqiptarëve lidhur me situatën në Kosovë dhe sinjalin për pezullimin e sanksioneve të BE ishte nga Kancelari gjerman Olaf Scholz, tek i cili, siç duket, ka ndikuar vendi ku po mbahet Samiti, piramida e diktatorit Enver Hoxha, shpirti i keq i të cilit aq shumë e ka dashtur Serbinë, dhe gjithçka ngeli ashtu siç e don shteti serb ndonëse mendjen e ka tek Rusia dhe Kina!

Von Der Leyen: Ekonomitë e Ballkanit Perëndimor dhe BE, shumë larg njëra-tjetrës!

Ekonomitë e Ballkanit Perëndimor dhe BE janë shumë larg njëra-tjetrës, tha Presidentja e Komisionit Evropian, Ursula von der Leyen duke dhënë porositë e saj se duhen të plotësohen reformat për të çuar përpara.

“Hera e parë që kjo ndodh në rajon. Ne jemi dëshmitarë të një lufte të tmerrshme që ka nisur Rusia mbi Ukrainën. Ne kemi parë edhe një sulm të tmerrshëm të Hamasit, I cili ka vrarë më shumë se 1440 burra, gra dhe fëmijë, kjo për arsyen e vetëm se ata janë hebrenj. Në këto kohë na duhen miqtë më të mirë. Le të punojmë që ju të bëheni pjesë të BE që së bashku të arrijmë një paqe që të zgjasë dhe një begati po ashtu,” tha Presidentja e KE duke shtuar se Procesi i Berlinit nisi në vitin 2014, ndërsa deri tani janë përdorur 16 miliardë euro nga 30 miliardë euro të planifikuara për Ballkanin Perëndimor.

Synimi, tha ajo, është për të ecur përpara në formë të vërtetë por dhe bashkëpunim rajon ekonomik.

“Ekonomitë tona në Ballkanin Perëndimor dhe në tregun e BE janë shumë larg njëra – tjetrës. Ekonomitë e Ballkanit Perëndimor janë 35% të mesatares së BE dhe në vërtetë duhet të çlirojmë potencialen që ka Ballkani Perëndimor dhe ta sjellim më pranë mesatares tonë dhe kjo do të arrihet me planin e arritjes.
Por pjesa e dytë ka të bëjë me zhvillimin ekonomik, sepse sa herë kemi pasur zgjerim, jo vetëm për vendet që janë bërë anëtare të BE-se kanë pasur rritje të madhe ekonomike, por edhe vetë BE-se kas pasur rritje. Ne duam që në fusha specifike të hapim dyert e tregut të BE për vendet e Ballkanit Perëndimor dhe këtë duhet ta krijojmë në fusha si lëvizja e lirë e mallrave, energjia, apo pagesa pa parë në dorë.

Vendet e Ballkanit Perëndimor duhet të plotësojnë tregun e tyre Rajonal, kjo do të thotë që vendet e Ballkanit Perëndimor t’i afrojnë qasje fqinjëve të tyre. Nëse ka bllokime, ti bllokon vetëm veten tënde, sepse vendet tjera ecin përpara,” tha Presidentja e Komisionit Evropian, Ursula von der Leyen, duke përfunduar:

“Për të ecur përpara duhen reforma, dhe këto reforma do të shoqërohen nga financime nga BE. Vetëm duke punuar së bashku mund ta sjellim BP në zemër të Evropës, aty ku i takon. Mos lini mundësitë, por kapeni momentin.”

Michel: Keni pritur shumë, por po përgatisim dasmën!

Duke e pranuar se vendet e rajonit kanë pritur shumë, tha Presidenti i Këshillit Evroian, Charles Michel, aq sa e kanë krahasuar zgjerimin me një nuse, të cilës nuk i vjen dhëndri, sot në Samitin e Procesit të Berlinit në Tiranë ai tha se në këtë moment “po përgatit dasmën”.

“Faleminderit për mirëseardhjen e ngrohtë dhe pritjen. Kënaqësi që jam në Tiranë. Unë bëra pyetjen, a është e kënaqur BE vetëm me menaxhimin e krizave apo duam të krijojmë të ardhmen. Zgjerimi është pjesë e kësaj të fundit, pasi është investim në begatinë e BE-së dhe anëtarëve të ardhshëm.

Ky proces nxit bashkëpunimiin mes partnerëve tanë. Rrugëtimi juaj ka nisur 20 vjet më parë dhe ka qenë rrugë e ngadaltë dhe zhgënjyese për ju dhe ne, por tani është koha për të arritur premisën tonë dhe për të realizuar këtë premtim,” tha Presidenti i Këshillit Evropian duke përfunduar:

“Afati ynë është hasur me skepticizma në rajonin tuaj sepse keni pritur shumë, dhe di që e keni krahasuar zgjerimin me një nuse, dhëndri i së cilës nuk vjen në dasmë, por ne po e përgatisim këtë dasmë.”

Në fund të këtij takimi, Aleksandar Vuçiç ashtu si në fillim që refuzoi Samitin dhe iku në Kinë, i prishi mexhlisin Edi Ramës, duke refuzuar foton familjare nga Kryeministrja e Serbisë, Ana Brnabiç.