Samiti i SEECP, Policia e Shtetit: Ja akset ku do ketë bllokime dhe kufizime të përkohshme të qarkullimit

Me qëllim të garantimit të sigurisë dhe mbarëvajtjes së lëvizjes së delegacioneve të huaja, të kryesuara nga Presidentët përkatës, me rastin e zhvillimit të Samitit të Procesit të Bashkëpunimit në Evropën Juglindore, SEECP, Policia e Shtetit ka hartuar planin e masave në kuadër të cilave përfshihen bllokime dhe kufizime të përkohshme të qarkullimit në disa akse rrugore.

Në ardhje të delegacioneve:

Aeroporti i Rinasit– Mbikalimi i Kasharit – Autostrada “Durrës-Tiranë” – Unaza e Re – Rrethrrotullimi i Saukut – Rruga e Elbasanit– Rruga “George W Bush” – Rruga “Urani Pano”-Rruga “Dervish Hima”.

Në largim të delegacioneve:

Rruga “George W Bush” – Rruga e Elbasanit– Rrethrrotullimi i Saukut – Unaza e Re – Sheshi “Shqiponja” – Autostrada “Tiranë-Durrës” – Mbikalimi i Kasharit – Aeroporti i Rinasit.

Gjithashtu, sot, gjatë zhvillimit të aktivitetit, Policia e Shtetit bënë të ditur se do të ketë ndalim të përkohshëm të qarkullimit, parkimit të automjeteve si dhe lëvizjes të këmbësorëve, në rrugën “Ludovik Shllaku” dhe Rrugën e DIbrës.

Orari i kufizimeve do të varet nga mbërritja e delegacioneve në Aeroportin e Rinasit.

Në fund, Policia e Shtetit duke kërkuar mirëkuptimin e drejtuesve të mjeteve dhe qytetarëve për kufizimet e përkohshme, theksoni se bashkëpunimi i qytetarëve është i domosdoshëm për garantimin e një eventi kaq të rëndësishëm për vendin dhe për ruajtjen e rendit e sigurisë publike.