Sanksionet e Perëndimit e kanë dëmtuar ekonominë e Rusisë

Sanksionet Perëndimore kanë pasur ndikim të madh në Rusi, përkatësisht kanë rezultuar me mungesë të performancës në ekonominë e këtij shteti në katër vjetët e fundit, është thënë në të gjeturat e një studimi të ri të Bloomberg, raporton RFE.

Bloomberg Economics ka thënë më 16 nëntor se ndonëse ulja e çmimit të naftës ka goditur ekonominë, sanksionet që i janë vënë Moskës për agresionin e saj ndërkombëtar, për ndërhyrje në zgjedhjet ndërkombëtare dhe përfshirjen e dyshuar në tentim-vrasje janë “fajtori më i madh”.

Sipas të gjeturave, ekonomia e Rusisë “është më shumë se 10 për qind më e vogël në krahasim me atë që është ka mundur të pritet në fund të vitit 2013”.

Shtetet e Bashkuara dhe Bashkimi Evropian kanë sanksionuar Rusinë për aneksimin e Krimesë nga Ukraina më 2014 dhe për mbështetjen ndaj separatistëve që luftojnë në lindje të Ukrainës.

“Mungesa e performancës ka qenë më e madhe se që mund të sqarohet”, ka thënë analisti i Bloombergut, Scott Johnson.

Në të gjetura po ashtu është thënë se masat ndëshkuese ndaj Moskës duket se kanë arritur qëllimin, pasi janë duke dëmtuar ekonominë e Rusisë, pa përfshirë në shtete tjera globale.

Kjo situatë ka vënë në dyshim parashikimet e Qeverisë ruse se rritja e bruto-prodhimit të brendshëm (GDP) do të tejkalojë 3 përqindëshin deri më 2021, duke dyfishuar kështu normën e vitit 2017.