“Sapo e kemi kaluar mesin e tunelit”, Edi Rama i bënë thirrje Lulzim Bashës sikur të ishte rritë në tunel!

Kryeministri Edi Rama pasi bëri një pasqyrim të situatës së krijuar nga koronavirusi duke e pranuar se sapo e kemi kaluar mesin e tunelit dhe vetëm një fije e hollë na ndan drejt daljes ose ecja prapakthehu, i bëri thirrje liderit të opozitës që të bashkohet me qeverinë për të përballuar situatën aktuale në të dyja fronet, si atë të shëndetit dhe ekonomisë. Por thirrja jo vetëm që nuk ishte e sinqertë po përmbajtja ishte sikur ta kishte bërë njeri që është rritur në tunel.

“Dita bëhet më e gjatë jo se ka ndryshuar ora, por durimi është më i madh. Këto kohë duhet të dëgjojmë sirenat që të hapemi dhe të vazhdojmë të dalim. E provuan shumë më të mëdhenj se ne dhe sot janë zhytur në një vorbull infektimi dhe vdekjeje dhe nuk po e nxjerrin dot kokën.

Po shohim përditë se si kurba e infeksionit mbahet nën kontroll më mirë se sa në shumë vende të Evropës, nuk kemi mungesë shtretërish apo vdekjeje për mungesë respiratorësh, nuk kemi humbje jetësh në radhët e mjekëve.

Liritë do të kthehen sapo ta fitojmë këtë luftë, ekonomia do të ringrihet sa ta mbarojmë këtë luftë, por të vdekurit nuk ringjallen. Është detyra ime të bëj gjithçka për ta lehtësuar jetën e atyre që janë prekur. Asgjë nuk kemi lënë dhe nuk do të lëmë pa bërë që asnjë familje të mos mbetet vetëm. Asgjë nuk do të kursejmë që t’ua lehtësojmë frymëmarrjen. Cili do të ishte ai kryeministër që nuk do të donte të jepte gjithçka që ju duhet që të mos e ndjenjë fare gjithë këtë stres të madh. Asnjë kryeministër nuk e arrin dot,” tha Edi Rama ndërsa krijoi përshtypjen se do ti ulë gjakërat por fatkeqësisht kjo zgjati shumë pak. Ndjesi që shqiptarët e kanë provuar edhe në kohë paqeje:

“Më vjen shumë keq që opozita e ka humbur mundësinë e pjesëmarrjes në këtë luftë. I kam kërkuar kryetarit të opozitës të bashkojë forcat me mua dhe të bashkojë ekspertët në dispozicion qoftë për të rrezistuar aty ku është vija e zjarrit qoftë për ekonominë. Përgjigjen e keni dëgjuar të gjithë për akuzat ndaj atyre në vijën e zjarrit, qoftë me recetat imagjinare ekonomike.

 Jam i keqardhur që në vend të bashkimit në këtë luftë ku duhet mbrojtur jeta e çdo njeriu ata nuk i kanë ulur armët e luftës, por kurrë nuk është vonë. Thirrja ime është të bashkojmë forcat, të diskutojmë hapat, të ballafaqojmë sy më sy on linë vendimet që marrim dhe cilësinë e ekzekutimt të tyre, të flasim me një zë për të mbrojtur cdo jetë shqiptari që nga Shkodra ku e kujtojnë COVID si virusi komunsit dhe deri në Vlorë ku e kujtojnë si opozitë dhe qeshin, të dalim bashkë si popull faqebardhë nga kjo luftë,” tha Kryeministri Edi Rama i cili ndonëse me një gjuhë primitive që ai e konsideron apel i sinqertë, shpreson që të mos bjerë në vesh të shurdhër ndërsa përfundon:

“Sapo e kemi kaluar mesin e tunelit dhe vetëm një fije e hollë na ndan drejt daljes ose ecja prapakthehu.”