Sarandë, mbahet Konferenca e IV Mbarëkombëtare e Arkivistikës

Drejtoria e Përgjithshme e Arkivave së bashku me Agjencinë Shtetërore të Arkivave të Kosovës dhe me mbështetjen e Fakultetit të Tiranës, Filiali Sarandë, me praninë e historianëve dhe studiuesve nga i gjithë rajoni, organizoi në qytetin e Sarandës, Konferencën e IV Mbarëkombëtare të Arkivistikës. 

Ekspertët dhe studiuesit e arkivave, prezantuan dhe panë më afër në Konferencë, zhvillimin në fushën e arkivistikës, si dhe shkëmbyen ide e përvoja, për ruajtje cilësore të dokumenteve e materialeve të tjera arkivore që mbeten dëshmia më e madhe e së kaluarës, çelës për të kuptuar të tashmen, por pse jo edhe të ardhmen.

Si në tre Konferencat e mbajtura në Tiranë, Prishtinë dhe Shkupç, edhe në Konferencën e IV Mbarëkombëtare të Arkivistikës, ekspertët dhe studiuesit e arkivave diskutuan problematikat, metodologjinë e studimit, dixhitalizimin dhe përmirësimin e infrastrukturës së përmbajtjes, inovacionin, si dhe vizionit të punës së arkivave në realitet e sotme.

Për të respektuar maksimalisht protokollet e vendosura për shkak të situatës së krijuar nga COVID-19 konferenca ishte ndarë në 5 tryeza duke iu referuar temave që do të kumtoheshin.

-Tryeza 1, “E drejta e informimit, të drejtat e njeriut, shfrytëzimi i arkivave.”

-Tryeza 2, “Zhvillime teknologjike, shërbimi i arkivave të digjitalizuara.”

-Tryeza 3, “Inspektimi dhe trajnimet, puna e arkivistit.”

-Tryeza 4, “Historia përmes arkivave.”

-Tryeza 5, “Probleme të punës arkivore.”

Të pranishëm në këtë aktivitet ishin Drejtori i Përgjithshëm i Arkivave Dr.Ardit Bido, Kryeshefi i Agjencisë Shtetërore të Arkivave të Kosovës,  Bedri Zyberaj, Kryetari i Bashkisë Sarandë, Adrian Gurma, Prefekti i Qarkut Vlorë z. Flamur Mamaj, si dhe arkivistë të institucioneve të qytetit Sarandë.

Në fund të Konferencës së IV Mbarëkombëtare të Arkivistikës organizatorët u zotuan: Tradita vazhdon…