Satelitë për Vettingun!
nga Agim Popoci
Pas zbarkimit në tregun politik të planit për hedhjen në orbitë të dy satelitëve nga dora vetë Edi Rama, shumë politikanë, analistë asimptomatik dhe astrofizikanë filluan ta zbërthejnë idenë e Kryeministrit mbi nevojën, mashtrimin dhe koston që do të kishin satelitët Albania 1 dhe Albania 2!
Arsyetimi i Kryeministrit Edi Rama si gjithmonë absurd edhe në këtë rast na thotë se këto mjete garantojnë një monitorim të territorit për shumë gjëra, që nga kufijtë te ndërtimet që ky territori te monitorimi lidhur me informacionin që u duhet strukturave të shtetit deri të çuarit deri në fund të përpjekjeve për të izoluar tërësisht trafikun e lëndëve narkotike.
Rivalët politik dhe analistët asimptomatik që kanë në shërbim, sulmuan Edi Ramën me argumente vendore e ndërkombëtare mbi Shqipërinë e varfër, ku shumica e shqiptarëve nuk kanë as bukë për të ngrënë e Kryeministri mendon për satelitë, që as me karburant nuk mund ti furnizoj!
Astrofizikanët e quajtën fantashkencë dhe absurd planin e kryeministrit Edi Rama për të hedhur në orbitë dy satelitë me argumentet se Shqipëria nuk ka asnjë kapacitet njerëzor për të administruar dy satelitë, blerja e satelitëve kushton dhe funksioni i satelitit nuk do këtë ndonjë dobi krahasuar me kohën e përdorimit dhe koston.
Po, a mund të ketë Shqipëria satelitë dhe kujt mund ti shërbejnë realisht?!
Në momentin kur Kryeministri Edi Rama nxori nga goja këtë ide në foltoren e parlamentit, ai si gjithmonë ka shigjetuar fondin e lekëve që mund të prodhoj ky projekt, sikur vetëm nisja e projektit të filloj gjatë qeverisjes së tij kur dokrrat e rivalëve politikë, analistëve të tyre dhe astrofizikanëve janë ekstremisht idiote!
Një vend, populli i të cilit nuk ka bukë për të ngrënë, mund të ketë jo një, por shumë satelitë sikur edhe mos të ketë as karburant! Këtë e dëshmoi ushtria ruse në kuadër të KFOR-it në Kosovë. Kur Moska zyrtare vendosi të largohet nga Kosova, plasi skandali se si ushtria britanike i kishte dhënë ushtrisë së kësaj “superfuqie” karburant për helikopterë sepse nuk kishin! Kjo çuditi gjithë botën por jo edhe kosovarët që lëviznin në rrugën Gjakovë-Prishtinë, ku te Ura e Kramovikit ushtarët rusë në shumë raste u merrnin bukën që kishin në makinë, me ose pa dashje; Madje edhe shishe uji, dhe pa pikë turpi deklaronin se nuk kanë!
Kjo ndodhë me ushtrinë ruse, dhe e tillë ishte gjithmonë si në Serbi ashtu dhe Afganistan, e lëre me popullin ku vetëm 100 kilometra nga Moska mund të studiosh varfërinë pavarësisht përrallave me “superfuqinë” dhe raketave në orbitë me të cilat mburret Rusia!
Ndërsa astrofizikanët, bazuar në shkencën që studiojnë mund të kenë të drejtë në teori, kur ligjërojnë në auditorë, por Edi Rama që nga viti 2013 gjithçka që ka bërë ishte fantashkencë dhe absurde duke kulmuar me Reformën në Drejtësi; E sa për kosto, rrezik mund ti konkurroj astrofizikës!
Dhe, Reforma në Drejtësi ose më saktë Vettingu mund të jetë subjekti i vetëm që mund ti shërbej Edi Ramës për satelitë në orbitë, pavarësisht dokrrave që nxjerr nga goja për izolimin e trafikut të lëndëve narkotike, monitorimin e territorit dhe kufijtë te ndërtimet edhe pse nuk quhet Artan Lame!
Pasi u shprehë qartë dje se nuk i duhet Partia Demokratike për të zgjatur mandatin e organeve të Vettingut kur ka në krah SHBA dhe BE, Kryeministri Edi Rama e ka të qartë pse duhet ti ketë nën kontroll ata që “pastruan llumin nga sistemi i drejtësisë”!
Sot Kryeministri Edi Rama nuk mund të shantazhohet nga ata që rivalët e tij i quajnë trafikant droge si Saimir Tahirin ose pastrues parash si Arben Ahmetajn, ama mund të shantazhohet nga secili relator i çështjes që me urdhër partie, me vetting hodhi në koshin e plehrave një gjyqtar ose prokuror pavarësisht aftësisë së tij profesionale!
Pse shkatërruan sistemin e drejtësisë me vetting, këtyre relatorëve nuk do t’iu kërkoj njeri llogari, siç nuk ju kërkon kur Apeli pas vërejtjes së Ndërkombëtarit hedhë poshtë vendimin e Komisionit të Pavarur të Kualifikimit, e që kryesisht janë eksponentë të Partisë Socialiste që KPK i nxori qelibar edhe kur ata ishin të mbuluar nga luksi me turp.
Për të mos u shantazhuar, Edi Ramës nuk i mjafton fakti pse këta relator të vettingut janë emëruar nga partia dhe korrupsionin e tyre e ka nën kontroll ashtu si dhe veprimtarinë ligjore përmes ONM-së.
Nëse Edi Ramës vërtetë i duhen satelitë, ata do të jenë satelitë që do ti tregojnë Kryeministrit se nga bredhin këta pastrues “të llumit të sistemit të drejtësisë” përveç se takohen me familjarët e tyre që janë pjesë e Sigurimit të Shtetit, e sa për buxhetin për të cilin shqetësohen astrifizikanët, aty është Reforma në Drejtësi që po mbush çdo boshllëk financiar që po krijon Qeveria Rama!
Që Edi Ramës do ti vijë dita të largohet nga pushteti këtë nuk e dinë vetëm SHBA dhe BE. Më të vëmendshëm për këtë fakt janë Edi&Olsi, që deri në ditën e gjykimit gjithçka do të kenë nën kontroll dhe pa kosto! E kanë kurrizin e shtetit!
