S’e duron dot gjuhën shqipe, braktis ceremoninë henbollisti maqedonas

Hendbollisti i përfaqësueses së Maqedonisë dhe kapiteni i Vardarit, Stojançe Stoilov ka braktisur ceremoninë e shpalljes së sportistit të vitit 2018 të Maqedonisë, pasi disa nga fituesit kanë folur edhe në gjuhën shqipe.

“Po ndihem i turpëruar dhe i poshtëruar” ka shkruar pa turp ai në grupin wiber të reprezentuesve maqedonas, raporton Agjencia serbe e lajmeve Beta duke cituar mediat lokale.

Sportisti më i mirë i Maqedonisë për vitin e kaluar e ka braktisur ceremoninë solemne pasi përfaqësuesi i shkollës së mesme të Tetovës, pas marrjes së një shpërblimi foli në gjuhën shqipe, raporton KTV.

Kundër gjestit të Stoilovit ka reaguar Federata e Hendbollit e Maqedonisë.

Drejtori i Federatës Vladimir Temelkovski tha se gjesti i hendbollistit më të mirë të Mqedonisë për të braktisur ceremoninë pse në të është folur në gjuhën shqipe, është i turpshëm. Ai ia ka përkutjuar atij se titullin e më të mirit vjet e kishte marrë edhe me votat të shqiptarëve.