Seanca e jashtëzakonshme/ Reagimi, Këshillat Studentorë: S’ka dialog. Nëse Kryeministri refuzon…

Pas lajmit mbi ultimatumin e studentëve për një seancë të jashtëzakonshme parlamentare për nesër që të plotësohen kërkesat e tyre, dhe përgjigjen e Edi Ramës me skedinë dhe Taulant kumarxhiun, reagojnë Këshillat Studentorë duke hedhur poshtë këtë lajm dhe duke ritheksuar se kërkesate tyre janë të pa negociueshme. Dhe jo vetëm kaq!

“Bëjmë me dije çdo student se këto janë tentativa për të na përçarë dhe se dialog me Kryeministrin ne nuk pranojmë. 8 kërkesat tona janë më se të qarta, të zeza mbi të bardhë dhe sqarojmë këdo se nuk do të ketë asnjë dialog pa u plotësuar këto 8 pika,” theksojnë Këshillat Studentorë duke i bërë të qartë kryeministrit edhe pse janë që dhjetë ditë duke protestuar:

“Në rast refuzimi nga Kryeministri, sqarojmë se protesta jonë do të përshkallëzohet në rang kombëtar. Kushdo që kërkon dialog me Edi Ramën nuk përfaqëson interesin e studentëve.”

Deklarata e plotë:

Sot nga media jemi njohur me një fake neës, sikur studentet kerkojne qe Kryeministri te mbledhe Parlamentin ne seance te jashtezakonshme per te shqyrtuar kerkesat tona.

Bejme me dije cdo student se keto jane tentativa per te na percare dhe se dialog me Kryeministrin ne nuk pranojme. 8 kerkesat tona jane mese te qarta, te zeza mbi te bardhe dhe sqarojme kedo se nuk do te kete asnje dialog pa u plotesuar keto 8 pika.

Ne rast refuzimi nga Kryeministri, sqarojme se protesta jone do te pershkallezohet ne rang kombetar. Kushdo qe kerkon dialog me Edi Ramen nuk perfaqeson interesin e studenteve. Faleminderit.