Seanca konstituive, opozitës nuk i pëlqen as Hekuran Murati për Kryetar të Parlamentit të Kosovës

Opozita vazhdon të jetë kundër konstituimit të Parlamentit të Kosovës ndërsa Lëvizja Vetëvendosje si partia fituese e zgjedhjeve të 9 Shkurtit pa një marrëveshje politike, duke vijuar kështu me konsumimin e 30 ditëve të përcaktuara nga Gjykata Kushtetuese.

Sot, propozimi i radhës për Kryetar të Parlamentit të Kosovës, ministri në detyrë i Financave, Hekuran Murati arriti të marrë vetëm 57 vota, opozita e kundërshtoi me 52 vota ndërsa në këtë seancë ku prezent ishin 115 deputetë, rezultuan 6 abstenime.

Pas këtij dështimit të radhës për konstituimin e Parlamentit të Kosovës, kryesuesi i seancës, Avni Dehari ka ndërprerë seancën, duke bërë të ditur se seanca vazhdon më 24 Gusht në orën 11:00.

Kështu, opozita, e cila deri më sot mosvotimin e Kryetarit të Parlamentit e arsyetoi me kandidaten e LVV, Albulena Haxhiu, e cila nga po kjo opozitë u anatemua si figurë përçarëse, me përjashtim të LDK e cila është shprehur se nuk voton asnjë kandidat të propozuar nga LVV, pas kandidaturës së Donika Gërvallës nuk votoi as Hekuran Muratit .

Ndryshe, sipas aktgjykimit të Gjykatës Kushtetuese i cili u zbardhë më 18 Gusht, Parlamenti duhet të zgjedhë kryetarin e tij përmes votimit të hapur, brenda 30 ditësh, me jo më shumë se tri raunde votimi për të njëjtin kandidat.