Seanca në GjKKO, Bardh Spahia: Akuzë qesharake, e përgatitur në zyrat e PS!

“Jam i bindur është padi e përgatitur në zyrat e PS, të cilët përdorin një person të dënuar për vjedhje dhe korrupsion, për të ngritur padi ndaj meje për ta përdorur politikisht në kohë elektorale,” tha Ish-Kryetari i Bashkisë Shkodër, Bardh Spahia, pas seancës paraprake në Gjykatën e Posaçme ndërsa vlerësoi se akuza e SPAK është qesharake dhe do marrë përgjigje më 11 maj.

“Ishte formalitet i gjykatës për ta dërguar çështjen time për gjykim. Nuk pranova gjykimin e shkurtuar, kërkova gjykimin normal duke qene i bindur se është padi e përgatitur në zyrat e PS, të cilët përdorin një person të dënuar për vjedhje dhe korrupsion, për të ngritur padi ndaj meje për ta përdorur politikisht në kohë elektorale.

Akuza nuk qëndron. Në gjithë veprimtarinë time kam patur udhërrëfyes zbatimin e ligjit dhe mbrojtjen e interesave të qytetarëve të mi.

Kam zbatuar vetëm ligjin. Akuza dhe padia është e ngritur mbi baza dhe porosi politike që do marrin përgjigjen e duhur më 11 maj. Nuk do të na ndalojë apo ngadalësojnë në rrugën e fitores më 11 maj.

Unë besoj te domosdoshmëria e zbatimit të ligjit dhe respektimit të tij nga çdo qytetar dhe strukturë shtetërore,” tha Ish-Kryetari i Bashkisë Shkodër, Bardh Spahia, duke përfunduar:

“Akuza është qesharake, absurde. Bëhet fjalë për një padi për shkarkimin e një ish drejtori që kam qenë kryetar i bashkisë, dhe në funksionin e kryetrarit të asamblesë së sha Ujësjellësi Shkodër.”

Ndryshe, nuk dihet cila do jetë jetëgjatësia e Reformës në Drejtësi të Edi Ramës, por rasti i Bardh Spahisë e konfirmon se SPAK nuk është organ por Degë e Partisë Socialiste, ndryshe të gjithë drejtuesit e institucioneve socialiste pas vitit 2013 do të përfundonin në GJKKO, sepse jo vetëm që kanë larguar mijëra punonjës me bindje të djathta por edhe ata me statusin e nënpunësit civil, ku të gjithë ata që i janë drejtuar gjykatës kanë fituar gjyqin dhe vetëm 1% prej tyre janë kthyer në punë.