Seanca, Noka: Në ditën e hapjes së negociatave, Kuvendi kthehet në burg të sigurisë së lartë
Sekretari i Përgjithshëm i PD, Flamur Noka, duke folur para Parlamentit ku 24 deputetëve nuk u lejohet hyrja në seancë plenare për shkak të ndëshkimit, u shpreh se ky institucion është kthyer në një burg të sigurisë së lartë pikërisht në ditën kur hapen negociatat me BE-në.
“Ky është një burg i sigurisë së lartë. Ditën që hapen negociatat, ky parlament kthehet në një burg të sigurisë së lartë. Kreu i narkosit ka ngujuar zonjën 5 milionë dollarë në parlament.
Miss 5 milionë dollarë e ka kthyer parlamentin në një burg të sigurisë së lartë ku nuk lejohen takimet.
Ja, ky është parlamenti i vendit që hapi negociatat,” tha Sekretari i Përgjithshëm i PD, Flamur Noka për mediat tek parlamenti.
Ndërkohë deputeti i PD, Saimir Korreshi, u shpreh se deputetët e opozitës po trajtohen si të ishin punëtorë të shoqes Spiropali, ndërkohë që janë monitoruar nga 650 mijë shqiptarë.
“Nuk ka asnjë rregullore apo një vendim parlamenti që deputetët e Republikës së Shqipërisë nuk mund të aksesoheshin në parlament dhe ky është një dënim i paligj.
“Çfarë mund të pretendosh nga Edi Rama? Na trajtojmë sikur të ishim punëtorë të shoqes Spiropali, ndërkohë që jemi të monitoruar nga 650 mijë shqiptarë dhe ky ëhstë skandali më i madh.
Nuk ka asnjë rregullore apo një vendim parlamenti që deputetët e republikës së Shqipërisë nuk mund të aksesoheshin në parlament, ky është një dënim i paligj pasi ju e patë se ç’ndodhi edhe sot.
Shoqja Spirapali e ka marrë shpatën e Skënderbeut për t’i rënë opozitës me idenë e saj.
Ishalla na jep ndonjë broshurë apo letër lidhur me teknikat se ç’kanë bërë ata me 21 Janar. Kështu që me bukurshkrim të na tregojë teknikat e saj dhe ne do e zbatojmë atë pastaj,” tha Saimir Korreshi duke përfunduar:
“Në mënyrë absolute, unë si pjesë e MSA nuk kam qenë kurrë në dyert e parlamentit europian apo në institucione të ngjashme përballë këtij fakti, dhe nuk ka hekura e detektorë për deputetët tek Parlamenti Europian si këtu që kemi më shumë gardistë sesa njerëz që lëvizin nëpër Tiranë.”
Ndryshe, deputetët e opozitës që janë lejuar të hyjnë në sallë i janë nënshtruar një kontrolli të rreptë për dallim nga ata të mazhorancës që janë favorizuar me lëvizjen e lirë edhe në hyrje të parlamentit, siç duket meqë e kanë kriminelin rus Vladimir Putin, që sipas Edi Ramës, i hap dhe negociatat me BE-në!
