Seanca plenare/ Opozita kërkon Kryeministrin, fjalën e merr Ministrja e Financave. Tensione në Parlament…

Pas fjalës së kryetarit të Partisë Demokratike, Lulzim Basha, i cili kërkoi prezencën kryeministrit Edi Rama në Parlament, fjalën e mori ministrja e Financave, Anila Denaj, ndërsa deputetët e opozitës reaguan duke duke mos lejuar vazhdimin e seancës.

Në momentet e krijuara të tensionit, çudia e gjithë kësaj situate të krijuar  është Ministri i Brendshëm i Ramiz Alisë dhe Kryetari aktual i Parlamentit, Gramoz Ruçi i cili bënë moral për rend dhe qetësi në parlament, si dhe respekt ndaj një ministres femër. Duke kërkuar qetësi në seancë ai iu drejtua Ish-Presidentit Berisha:

Ruçi: Zoti Berisha, me respekt për zonjën dhe aq më shumë që e ka për herë të parë.

Ndërkohë nga vendi flet Lulzim Basha, dhe niset drejt foltores.

Ruçi: Të tërheq vëmendjen mos e pengo seancën, mos e pengo seancën të lutem.

Ministrja Denaj: Po flas për qytetarët, jo për ju, jam duke parë nga kamerat, nuk po shoh nga ju.

Ndërhynë Gramoz Ruçi duke bërë edhe moral:

Ruçi: Basha, më shumë respekt për zonjën, duhet ta respektoje e duartrokisje, se është ministre për herë të parë.

Basha: Të vijë Kryeministri.

Ruçi: Kërkoje të të vijë, kërkoje.

Ndërsa momentet e tensionet vazhduan, socialistët e konvertuar në rilindas, përgjegjës për shtetin e varfër që sot gëzojnë shqiptarët, dje në opozitë dhe sot në pushtet, fajtorin vazhdojnë ta kërkojnë te Partia Demokratike dhe jo tek aferat korruptive pa fund me në krye Edi Ramën.