Seanca Plenare/ S’ka rotacion më 16 Shkurt, Shehi: Do të përmbyset sistemi…

Kryetari i LZHK, Dashamir Shehi, i ka bërë të qartë mazhorancës dhe jo vetëm, se më 16 shkurt nuk do të shkëmbehen qeveritë, sepse rotacioni është një gjë normale por do të ketë përmbysje të përgjithshme të sistemit.

“Që qeveritë të shkëmbehen, të ketë rotacion është një gjë normale, por këtë radhë nuk duam këtë, brenda pretendimit opozitar ka në thelb përmbysje të përgjithshme të sistemit, për të parë gjërat nga një këndvështrim tjetër, krejt e ndryshme dhe krejt e re dhe nevojën për ndryshim radikal, ndryshe do ishte e panevojshme të bëhej demonstrata.

Ne që po e përmendim këtu, por askush nuk e kupton me seriozitet, çështjen e emigracionit, një vend që po zbrazet me këtë shpejtësi, jo të bëhen revolucione, le të përmbysë gjithçka se nuk ka ça përmbys më, një grusht pleqsh.”

Shehi e pranoi se Shqipëria ka qenë gjithnjë e varfër, por asaj Edi Ram ai shtoi keqqeverisjen, krimin dhe korrupsionin:

“Nuk kemi pretenduar që të zhdukej varfëria, por mbi këtë është shtuar keqqeverisja, korrupsioni, krimi, ikën biznesmeni që ka goxha para se të vjen ai të vë pistoletën të merr gruaja prej dore dhe të çon te vapori.

Ata zotëritë te Astiri nuk e justifikojnë se po u merret shtëpia, por energjinë ua jep urrejtja ndaj padrejtësive, nëse ti u merr shtëpinë dhe paratë ua ndan 40 mln dy vetëve që janë miqtë tuaj kjo ushqen protestën.

Edhe profesori i qetë që lexon gazetën ndihet i tradhtuar, se padrejtësia është karburanti që ushqen motorin e protestës. Këtu ka deformuar qeverisjen dhe nga një instrument që do bënte punë është bërë shtypje dhe dhunë, të psikologjisë shoqërore.”

Kështu lindin dhe diktaturat, sqaroi kryetari i LZHK, Dashamir Shehi, pasvotimeve të trazuara duek përfunduar në sundim:

“Diktaturat lindin pas votimeve të mëdha, të rëndësishme, por me votime të trazuara si këto të tonat, dhe përfundon në një sundim, ky zotëria këtu ka mbërrit në na sundojë, e patë me ça qetësie i ndryshoi ministrat, para diktatorëve jemi të gjithë zero, ka ndërtuar me mendjen e vet sistemin e kontrollit qeverisës, ça janë këto, na ve 30 goca me kufje në vesh dhe po na qeveris, dhe ato goca kanë të drejtë të kontrollojnë dhe gjejnë gabim, këtë nuk e ka mbërrit as Zvicra, as Danimarka, sepse nuk kemi nevojë më për qeverisje, i pengon diktatorët qeverisja, e kanë gati skemën… ”