Seancë maratonë, votohen katër anëtarët e rinj të Këshillit Mbikëqyrës të Bankës së Shqipërisë

Në orët e para të mëngjesit të sotëm, pas një seancë maratonë, Parlamenti i Shqipërisë ka miratuar katër anëtarë të rinj të Këshillit Mbikëqyrës të Bankës së Shqipërisë, ndërsa një kandidaturë u shty për votim në një seancë të ardhshme.

Me 74 vota për, 16 kundër dhe asnjë abstenim, deputetët miratuan projektvendimin për zgjedhjen e Selami Xhepës si anëtar i Këshillit Mbikëqyrës.

Holta Zaçaj, u shpërblye për rolin e mirë që luajti si Kryetare e Gjykatës Kushtetuese ku u krijua ideja se kishte edhe betejë për drejtësi, dhe me 72 vota për, 19 kundër dhe 1 abstenim, u zgjodhë anëtare e Këshillit Mbikëqyrës të Bankës së Shqipërisë.

Fati i Ervin Metes nuk kishte se si të përfundonte ndryshe dhe me 74 vota pro, 17 kundër dhe asnjë abstenim emërimin u zgjodhë anëtar të Këshillit Mbikëqyrës, ashtu si Jonida Prifti, kandidaturë e cila u miratua me 73 vota për, 18 kundër dhe asnjë abstenim.

Ndërkohë, kandidatura e Matilda Shehut u shty për votim në një seancë tjetër plenare, me kërkesë të Kryetarit të Grupit Parlamentar të Partisë Socialiste.