Seancë plenare, Berisha: Enver Hoxhën e futët në axhendë me urdhër të Edi Ramës!

Kryetari i Partisë Demokratike, Sali Berisha, duke reaguar pas sqarimit të Kryetarit të Parlamentit akuzoi Niko Peleshin se, futja e Enver Hoxhës në librin e muajit të Parlamentit, është bërë me urdhër të Edi Ramës dhe kujtoi se, ekziston një ligj i vitit 1992 që ndalon kujtimin e Enver Hoxhës dhe komunizmit.

Duke folur në seancën parlamentare, Kryetari i PD fillimisht tha se Shqipëria duhet të përshëndesë hapin e parë drejt marrëveshjes së paqes mes Gazës dhe Izraelit, me nismën e presidentit të SHBA-së, Donald Trump.

Në një dokument që kryeparlamentari Niko Peleshi e cilëson informativ me titullin “figurat kombëtare (tetor) dërguar nga zyra e Institutit Parlamentar në e-mailin e 140 deputetëve të Kuvendit, Enver Hoxha përshkruhejt si “Hero i Popullit” dhe “Hero i Punës Socialiste”, ndërsa në biografi përmendet si udhëheqës i shtetit shqiptar, i Partisë Komuniste dhe më pas i Partisë së Punës.

Fjala e plotë:

Reagimi i parafolësit përbën një absurditet dhe më shumë se kaq.

Zoti Shehu, këtu përshëndeti hapin e parë të marrëveshjes prej 21 pikash të planit të paqes të presidentit Trump, dhe e kanë përshëndetur, sa për dijeni, edhe personalitete botërore.

Është hapi i parë dhe meriton përshëndetjen më të plotë.

Izraeli tërhiqet në një linjë të caktuar, lirohen 20 pengjet e gjalla nga Hamasi.

Çfarë ka këtu?

Çfarë u shkel këtu?

Kush e pengoi kryetarin e parlamentit të hapë parlamentin me një përshëndetje të tillë?

Kush e pengoi kryetarin e partisë së krimit të kërkojë fjalën?

Çfarë është kjo?

Kjo është për t’u përshëndetur.

Janë 20 pengje që lirohen.

Po e përshëndesin të tjerët.

Kurse ne i bëjmë gjyqin atij që propozoi.

Këtë duhet ta bënit ju.

Por ti e hape parlamentin me një apologji hipokrite.

Enver Hoxhën e fute ti me urdhër të Edi Ramës në axhendë.

Kryexhelatin e shqiptarëve, Hitlerin e shqiptaërve e futët ju.

Nuk është gabim, nuk është aberracion i librarisë.

Ka një ligj ky parlament të vitit 1992, që ndalon dhe dënon propagandën komuniste për Enver Hoxhën. Ka rezolutë parlamenti.

Nuk është punë biblioteke kjo.

Rezolutat e parlamentit janë të detyruara.

Imagjinoni ju se çfarë do ndodhte po të futej Hitleri në Bundestag.

Ju do thoni nuk ishte Enver Hoxha në përmasat e Hitlerit. Unë u them ju këtu se në prill të vitit 1991, samiti i EDU e ka vlerësuar në deklaratën e tij Enver Hoxhën si Hitleri i pasluftës.

Ka disa anologjira, infanticidi mes të tjerash.