Seancë plenare, dje certifikoi rezultatin e zgjedhjeve, sot Celibashi raporton në Parlament

Seanca e sotme plenare e Parlamentit të Shqipërisë me 14 Pika të Rendit të Ditës ndonëse ka Raportin vjetor të Kontrollit të Lartë të Shtetit, Raportin vjetor të Inspektorit të Lartë të Deklarimit dhe Kontrollit të Pasurisë, Raportin vjetor të Autoritetit të Mediave Audiovizive, dhe Raport vjetor të Komisionit Qendror të Zgjedhjeve, si Pika 3. 4. 5. 6. nuk kanë zgjuar kurrfarë interesi tek opinioni publik duke pasur parasysh degradimin e këtyre institucioneve ndër vite, në veçanti të KQZ e cila sforcohet dhe certifikon rezultatin e zgjedhjeve të 25 Prillit në mënyrë që Komisioneri Shtetëror i Zgjedhjeve, Ilirjan Celibashi, të raporton sot para Parlamentit.

Interes madje nuk kam më as për KLSH i cili nga një institucion që kontrollin shtetin është shndërruar në institucion që funskionon në kuadër të Kryeministrisë. Këtë e konfirmon moskontrolli i të gjitha projekteve që janë zbatuar në bazë të Akteve Normative dhe nuk i janë nënshtruar kontrolleve edhe kur abuzimi është më kriminal pasi është bërë në emër të luftimit të pandemisë!

Nëse kësaj i shtojmë edhe paralajmërimin nga Partia Socialiste se sot do të ndryshojnë Rendin e Ditës duke shtuar shqyrtimin e Projektvendimit për krijimin e përbërjen e Komisionit ad hoc të përzgjedhjes së kandidatëve për anëtarë zëvendësues për komisionerë të KPK dhe Komisioner Publik, kjo seancë plenare bëhet edhe më komike.