Seancë plenare, Edi Rama kërkon 2 mld lekë për blerjen e vaksinave që nuk i njeh BE

Ndonëse dje Komisioni Evropian e bëri të qartë se qytetarët të cilët kanë marrë vaksina ruse ose kineze nuk do të mund të lëvizin drejt shteteve anëtare të Bashkimit Europian, sot në seancë plenare nën pikën 4. të Rendit të Ditës është parashikuar miratimi i Aktit normativ nr. 9, datë 22.3.2021 “Për miratimin e tekstit të marrëveshjes, ndërmjet Ministrisë së Shëndetësisë dhe Mbrojtjes Sociale, ministrit të Shtetit për Rindërtimin dhe Institutit të Shëndetit Publik dhe distributorit të autorizuar “Keymen Ilaç Sanayi ve Ticaret”, A.S, për furnizimin e Republikës së
Shqipërisë me vaksinën e inaktivizuar kundër COVID-19 (Vero Cell) Coronavax, të krijuar nga Sinovac
Life Science Co, Ltd., dhe të prodhuar në Republikën Popullore të Kinës”.

Sot në seancë do të shqyrtohen edhe disa projekt-ligje të kthyera nga Presidenti Ilir Meta, si dhe pritet të njoftohet kërkesa e PS për ngritjen e komisionit hetimor për shkarkimin e Kreut të Shtetit, pasi sipas socialistëve, ka kryer shkelje të rënda të Kushtetutës para, gjatë dhe pas fushatës zgjedhore të 25 prillit.