Gjykata Kushtetuese dhe BE bëjnë nul dy pikat e Rendit të Ditës, fjalën e ka Skënderbeu i Spiropalit!
Parlamenti i Edi Ramës sot e kishte projektuar një seancë plenare me 9 Pika të Rendit të Ditës për të kaluar Marrëveshjen Meloni-Rama për refugjatët afrikan të Italisë dhe Rregulloren e re të Parlamentit për të displinuar opozitën, por kjo qeveri kaotike mori dy JO të forta që kanë të bëjnë me dy pika të rendit të ditës që tashmë janë zyrtarizuar.
Ndonëse Marrëveshja Meloni-Rama ishte projektuar më shumë si ndihmë për kolapsin e qeverisë italiane nga dështimi i menaxhimit të refugjatëve, dje Gjykata Kushtetuese e pezulloi ratfikimin e kësaj Marrëveshje sot në seancë plenare, e zyrtarizuar tashmë si Projektligj “Për ratifikimin e protokollit, ndërmjet Këshillit të Ministrave të Republikës së Shqipërisë dhe Qeverisë së Republikës Italiane, për forcimin e bashkëpunimit në fushën e migracionit”” dhe i paralajmëruar nga Kryeministri Edi Rama se do të kaloj, që në fillim të javës!
Dhe, kaosi parlamentar që nga mediat nën kontrollin e Edi Ramës u quajt “mbrojtje që Sali Berisha i bënë vetes kundër drejtësisë” nuk trajtohet kështu në konkluzionet e Bashkimit Evropian, e cila nuk i hapi kapitujt Shtetit të Edi Ramës sepse krijon tensione politike.
Ndërsa Linda e Edi Ramës mendon se Rregullorja e re për të eliminuar njerëzit e Saliut nga salla plenare që kërkojnë Komisione Hetimore është sundim i ligjit, Brukseli zyrtar i bënë të qartë se ky është autoritarizëm që BE nuk e pranon dot, dhe se dialogu politik gjithëpërfshirës dhe konstruktiv në vend mbetet thelbësor për të çuar përpara miratimin e reformave të lidhura me BE-në.
A do të miratohet sot Projektvendimit “Për disa shtesa dhe ndryshime në vendimin e Kuvendit nr.166, datë 16.12.2004 “Për miratimin e Rregullores së Kuvendit të Republikës së Shqipërisë”, të ndryshuar”
(Neni 75 i Kushtetutës dhe neni 117 të Rregullores së Kuvendit, me shumicën e gjithë anëtarëve për miratim), këtë e din vetëm Skenderbeu i Spiropalit, por shqiptarët tashmë e dinë edhe pse pasditen e sotme bëhen publike konkluzionet e Samitit e BE, se ky arbitraritet i Partisë Socialiste ka bllokuar rrugën e Shqipërisë drejt Bashkimit Evropian dhe nuk u ka ngelur asgjë më për të parë nga ky pushtet përveç se gaztorin e oborrit të BE-së që bënë dhe Dirigjentin!
Gjithsesi, seanca e sotme plenare ka këtë Rend të Ditës:
