Seancë plenare, interpelancë me ministren e “Shëndetësisë falas”
Seanca e sotme plenare mund të jetë edhe gazmore jo pse opozitarët iu bindën mosreagimit të partisë së Kryetarit Nënkryetar ndaj Raportit të fundit të Departamentit të Shtetit që hodhi kritika të ashpëra për punën e qeverisë së Edi Ramës, por se në interpelancë është ftuar ministria e Shëndetësisë që në mirazhin e Kryeministrit vazhdon të jetë “falas”.
Pavarësisht vigjilencës së deputetëve opozitarë, Bujar Leskaj dhe Zef Hila, askush nuk pret nga ministria e Shëndetësisë të na thotë se kur do të realizohet premtimi elektoral i Partisë Socialiste për të ardhur në pushtet, “Shëndetësia falas”, as kur do të jenë reale listat e ilaçeve të rimbursuara, madje as kur do ta kthej pronën shtetërore spitali që blen spitale, “Spitali Amerikan”, por demagogjia e Ogerta Manastirliut gjithsesi do ta kthej humorin e qytetarëve që u ngopën me ilaçet dhe shëndetësinë falas pasi hoqin dorë nga burokracitë shumëmujore që ndërtoi ky sistem “falas”!
Gazmores më pas do i shoqërohet edhe ministria e Arsimit, Evis Kushi, e cila zuri vend në këtë seancë plenare me 15 Pika të Rendit të Ditës, e cila edhe do të jep përgjigje në angazhimet e shtetit për ndërtimin e shkollave, por nuk pret njeri që të dëgjoj nga Znj.Kushi pse është ministrja e vetme e Arsimit në Evropë me shkolla pa nxënës!
Thjeshtë, ministrja e Arsimit ashtu si shefi i saj Edi Rama e ka përgjigjen në maje të gjuhës duke ju referuar lëvizjes së lirë, ndonëse nxënësit lanë bankat e tyre të shkollës që për bukën e gojës dhe u detyruan me prindërit e tyre të marrin botën në sy.
Ndryshe, seanca e sotme plenare ka këtë Rend të Ditës:
