Seancë plenare, sot, e para është “Xhaçka” pastaj interpelanca me Manastirliun

Interpelanca me Ministren e Arsimit, Ogerta Manastirliu, është cilësuar “urgjente” por siç duket edhe në seancën e sotme plenare do të mirëpritet vetëm me tensione pas trajtimit që mazhoranca i bëri mendimit të Komisionit të Venecias për çështjen “Xhaçka”!

Edi Rama ka dhënë shenjat e para se nuk do ti bindet mendimit të Komisionit të Venecias për të respektuar Vendimin e Gjykatës Kushtetuese, e meqë nuk ekzistojnë Komisionet si i Austrisë ashtu dhe Prusisë, ngelet që Komisioni i Venecias të ekzistoj por të mos respektohet nga socialistët nën traditën e prindërve që sot janë të gatshëm të përballen me demokratët por jo të respektojnë Ligjin!

Gjithsesi, seanca e sotme plenare ka këtë Rend të Ditës:

SEANCË PLENARE PUBLIKE
E enjte, 12 dhjetor 2024, ora 10.00
RENDI I DITËS
Në mbështetje të urdhrit nr. 86, datë 10.12.2024 të Kryetares së Kuvendit, Znj. Elisa
Spiropali, rendi i ditës është si më poshtë vijon:

1. Miratimi i procesverbalit të seancës plenare të datës 5.12.2024.

2. Njoftime

3. Interpelancë urgjente me Ministrin e Arsimit dhe Sportit, Zonjën Ogerta Manastirliu, kërkuar nga Grupi Parlamentar i Partisë Demokratike.

4. Projektligji “Për ratifikimin e marrëveshjes ndryshuese me shkëmbim letrash të marrëveshjes së huas, ndërmjet Republikës së Shqipërisë dhe Bankës Ndërkombëtare për Rindërtim dhe Zhvillim, për projektin “Për përmirësimin e sistemit të shëndetësisë”, ratifikuar me ligjin nr.57/2015”.
5. Projektligji “Për miratimin e rritjes së kuotës së Republikës së Shqipërisë në Fondin Monetar Ndërkombëtar”.

6. Projektligji “Për ratifikimin e marrëveshjes, ndërmjet Këshillit të Ministrave të Republikës së Shqipërisë dhe qeverisë së Republikës së Sllovenisë, për bashkëpunimin në mbrojtje ndaj katastrofave natyrore dhe të tjera”.

7. Projektligji “Për disa ndryshime dhe shtesa në ligjin nr.90/2021, “Për ndarjen e shoqërisë “Hekurudha Shqiptare, sh.a.””. (Në mbështetje të neneve 78, dhe 83, pika 1, të Kushtetutës, dhe neneve 55, dhe 73-77 të Rregullores, shumicë e thjeshtë votash për miratim)

8. Projektvendimi “Për miratimin e organikës dhe klasifikimit të pagave të punonjësve administrativë pas mbarimit të mandatit të Komisionit të Pavarur të Kualifikimit”.

9. Projektvendimi “Për miratimin e organikës dhe klasifikimit të pagave të punonjësve administrativë pas mbarimit të mandatit të Komisionerëve Publikë”.

10. Diskutime për çështje jashtë rendit të ditës.
(Në mbështetje të nenit 45 të Rregullores së Kuvendit: Çdo deputet mund të flasë jo më shumë se 5 minuta dhe nëse diskuton në emër të grupit parlamentar, jo më shumë se 8 minuta. Koha e diskutimeve për çështje jashtë rendit të ditës nuk mund të jetë më shumë se 60 minuta.)