Seancë plenare, Komision Hetimor për veprimet e Presidentit por jo edhe për…

Sot Parlamenti i Shqipërisë në seancë plenare do të shqyrtoj raportin e Komisionit për Çështjet Ligjore, Administratën Publike dhe të Drejtat e Njeriut dhe propozimin e Komisionit për ngritjen e komisionit hetimor parlamentar, për shkarkimin nga detyra të Presidentit të Republikës, Ilir Meta.

Ndonëse grupi i deputetëve socialist të kësaj nisme kanë kërkuar shkarkimin e Ilir Metës për shkak të situatës që krijoi me Dekretet lidhur me zgjedhjet vendore, pjesë e hetimit nuk do të jetë edhe Edi Rama, njeriu që shkaktoi tragjedinë e madhe kombëtare dhe zgjodhi Metën, President i Republikës, duke e njohur mirë të kaluarën e tij politike dhe jo vetëm.

Ndryshe, Komisioni Hetimor për shkarkimin e Presidentit do të ketë në përbërje 9 anëtarë, 5 nga PS dhe 4 nga opozita e Edi Ramës.

Sot në mbledhjene Grupit Parlamentar të PS është vendosur që Kryetar i Komisionit të jetë Ulsi Manja ndërsa anëtarë: Vasilika Hysi, Klotilda Ferhati, Bashkim Fino dhe Alket Hyseni.

Pas Komisionit Hetimor, Edi Ramës i duhen 94 vota për shkarkimin e Ilir Metës, për të vazhduar lojën me shkarkimin në Gjykatën Kushtetuese, për të cilën ka premtuar se do ta bëjë funksionale ndërkohë.

Nga ana tjetër, Ilir Meta sot ka vazhduar luftën e tij për pushtet me Edi Ramën duke mbrojtur vendimin e tij për shtyrjen e zgjedhjeve se ishte kushtetuese, duke shtuar se Dekreti i tij mbetet ende në fuqi për sa kohë nuk ka një vendim të Gjykatës Kushtetuese, që ta vlerësoj kushtetueshmërin e tij.