Seancë plenare, Ligji për Portet Turistike sot kalon me talljen socialiste me interpelancë për Bujqësinë

Rrëmuja që ka krijuar Kryeministri Edi Rama me portet shqiptare vështirë se mund të mbulohet me interpelanca si kjo e sotme me Ministrin e Bujqësisë të cilin e ka kërkuar deputeti socialist Erion Braçe!

Madje, idiotësia e këtij absurditeti tejkalon të gjitha përmasat kur për çështjet e Bujqësisë dhe Zhvillimit Rural askush nuk guxon të diskuton në Grupin Parlamentar të Partisë Socialiste dhe çohet një deputet socialist si Erion Braçe, i cili merr guximin vetëm në rrjetin social Facebook të flas për fermerët, të bëjë kërkesë për interpelancë me Ministrin e Bujqësisë dhe Zhvillimit Rural, Andis Salla, interpelancë e cila futet sot në rendin e ditës kur pritet të miratohen dy ndryshime në ligje shumë të debatueshme, ai për Portet Turistike dhe Ligjin për “Për parandalimin e pastrimit të parave dhe financimit të terrorizmit”.

Ndryshe, seanca e sotme plenare ka këtë Rend të Ditës:

SEANCË PLENARE PUBLIKE
E enjte, 9 prill 2026, ora 10:00
RENDI I DITËS
Në mbështetje të urdhrit nr. 23, datë 7.4.2026 të Kryetarit të Kuvendit, z. Niko Peleshi, rendi i
ditës është si më poshtë vijon:

1. Miratimi i procesverbalit të seancës plenare të datës 2.4.2026.

2. Njoftime.

3. Interpelancë me Ministrin e Bujqësisë dhe Zhvillimit Rural, z. Andis Salla, kërkuar nga deputeti Erion Braçe.

4. Seancë pyetje – përgjigje me Ministrin e Arsimit, znj. Mirela Kumbaro, kërkuar nga deputetja Erisa Xhixho.

5. Projektligji “Për një shtesë në ligjin nr. 9710, datë 10.4.2007 “Për portet turistike në Republikën e Shqipërisë”, i ndryshuar”.

6. Projektligji “Për disa shtesa dhe ndryshime në ligjin nr. 9917, datë 19.5.2008, “Për parandalimin e pastrimit të parave dhe financimit të terrorizmit”, të ndryshuar”.

7. Projektvendimi “Për ngritjen e Komisionit Hetimor të Kuvendit, “Për kontrollin e ligjshmërisë së veprimeve të Autoritetit Rrugor Shqiptar për realizimin e investimeve në infrastrukturën rrugore””.

8. Projektvendimi “Për ngritjen e Komisionit Hetimor të Kuvendit, “Për kontrollin e ligjshmërisë në funksionimin e Agjencisë Kombëtare të Shoqërisë së Informacionit (AKSH), për vlerësimin e sigurisë kibernetike dhe mbrojtjes të së dhënave të qytetarëve, si dhe për analizimin e rreziqeve për sigurinë kombëtare dhe detyrimet e Shqipërisë si vend anëtar i NATO-s ””.

9. Projektvendimi “Për zgjedhjen e një anëtari të Këshillit Mbikëqyrës të Bankës së Shqipërisë”.

10. Diskutime për çështje jashtë rendit të ditës.