Seancë plenare, mandati i investitores komuniste Olta Xhaçka në duart e Partisë!
Seanca e sotme plenare e Parlamentit të Shqipërisë fillon pa një raport të dorëzuar nga mazhoranca socialiste 24 orë më parë për mandatin e investitores komuniste Olta Gjaçka!
Ndonëse me 14 pika të Rendit të Ditës, “Projektvendim mbi raportet e shumicës dhe pakicës të Këshillit për Rregulloren, Mandateve dhe Imunitetit me objekt konstatimin e pavlefshmërisë dhe mbarimit
të mandatit të deputetes Olta Xhaçka”, si pikë e 6 e Rendit të Ditës është në epiqendër të seancës dhe pritet të votohet nga socialistët pavarësisht se deputetët nuk e kanë marrë në dorë Raportin e premtuar!
Ndërkohë Grupi Parlamentar i Partisë Demokratike dje publikoi raportin për mandatin e Olta Xhaçkës, ku kërkon që kjo çështje të dërgohet në Gjykatën Kushtetuese, e cila duhet të konstatojë papajtueshmërinë me mandatin e Xhaçkës.
Sipas PD-së, deputetja dhe ish-ministrja për Evropën dhe Punët e Jashtme, Olta Xhaçka ndodhet në kushtet e papajtueshmërisë, pasi shoqëria “AG.TÇ” sh.p.k., e cila ndodhet në pronësi të bashkëshortit të saj, Artan Gaçi, ka përfituar të drejta pasurore mbi pasurinë e shtetit.
Socialistët janë të bindur se Gjykata Kushtetuese me vendimin e vitit 2023 po ju dikton ligjvënësve votën e tyre. Kjo ishte dhe përgjigja pse çështja e mandatit të Xhaçkës kishte mbetur në sirtar pa u diskutuar që nga 23 janari i vitit 2023. Ndonëse socialistët miratuan raportin për të mos e çuar mandatin e Xhaçkës në Gjykatën Kushtetuese, Gjykata Kushtetuese pranoi e kërkesën e 14 deputetëve të PD për ta shfuqizuar vendimin e Parlamentit. Vendimi është i detyruar për të Kuvendin, por, ajatollahët socialistë konkluduan në Këshillin e Mandateve se ky vendim është i diskutueshëm bazuar në votat kundër që ishin me rastin e marrjes së këtij vendimi në Gjykatën Kushtetuese.
A do të shkoj mandati i Olta Xhaçkës në Gjykatën Kushtetuese kjo nuk është çështja pasi kjo Gjykatë kontrollohet nga Edi Rama po aq sa Grupi Parlamentar i Partisë Socialiste! Çuditë vetëm arroganca që ka mpirë trurin e Kryeministrit në vitin e 11 të qeverisjes.
Ndryshe, seanca e sotme plenare ka këtë Rend të Ditës:
