Seancë plenare, ministri i Brendshëm në interpelancë

Sot seanca plenare e Parlamentit të Shqipërisë ndonëse ka 14 Pika të Rendit të Ditës, vëmendje të veçantë ka zgjuar Pika 3. ku është parashikuar interpelanca me ministrin e Brendshëm, Sandër Lleshaj lidhur me kriminalitetin në vend ashtu si dhe Pika 5. me Raportin vjetor të Prokurorit të Përgjithshëm , gjithashtu me gjendjen e kriminalitetit në vend.

Ndërkohë Ligjet e kthyera nga Presidenti ndonëse shkojnë në bagazhin e showut Rama-Meta pritet të kalojnë si ai për “Për aktivitetet e turizmit detar” si Pikë e 9. “Për tatimin mbi vlerën e shtuar në Republikën e
Shqipërisë” si Pikë e 10. dhe “Për prokurimet në fushën e mbrojtjes dhe të sigurisë” si Pikë e 11.

Se sa e ka me merak mazhoranca Reformën Zgjedhore, tregon dhe fakti se si pikë e fundit është lënë, Projektvendimi “Për një ndryshim në vendimin e Kuvendit nr. 102/2017 “Për ngritjen e
Komisionit të Posaçëm Parlamentar për Realizimin e Reformës Zgjedhore”, të ndryshuar”.