Seancë plenare, miratohet ngritja e Komisioneve për Reformën Zgjedhore dhe Reformën Territoriale

Sot Parlamenti i Shqipërisë miratoi me 113 vota për dhe 3 kundër, ngritjen e Komisionit të Posaçëm Parlamentar për Reformën Zgjedhore. Ndërsa ngritja e Komisionit të Posaçëm Parlamentar për Reformën Territoriale u miratua me 115 vota për dhe 3 kundër.

Kështu, në Komisionin për Reformën Zgjedhore, 7 anëtarë do jenë nga Partia Socialiste, 7 nga Partia Demokratike. 2 anëtarë do të jenë nga partitë të cilat në zgjedhjet e 11 majit kanë fituar të paktën dy mandate, përkatësisht Partia Socialdemokrate dhe Partia Mundësia.

Ndërsa në Komisionin për Reformën Territoriales, Partia Socialiste do të ketë 8 deputetë, Partia Demokratike 6, ndërsa 1 përfaqësues do të jetë i Grupit Parlamentar Aleanca për Ndryshim dhe 1 përfaqësues i Grupit Parlamentar të Partisë së Lirisë.

Ndryshe, miratimi për ngritjen e Komisionit të Posaçëm Parlamentar për Reformën Zgjedhore dhe Komisionit të Posaçëm Parlamentar për Reformën Territoriale u bë pas dakordësise mes Partisë Socialiste dhe Partisë Demokratike.