Seancë plenare/ Nën hijen e dështimit të Negociatave, kalon Korporata e Investimeve
Në seancën e sotme plenare të Parlamentit të Shqipërisë ku janë parashikuar 8 Pika të Rendit të Ditës, nën hijen e dështimit të çeljes së negociatave me Bashkimin Europian pritet të kaloj Projektligji i shumëkontestuar për Korporatat e Investimeve Shqiptare, dhe i kritikuar nga BE dhe institucionet financiare ndërkombëtare.
Me Korporatën e Imvestimeve, si burim tjetër i keqpërdorimit financiar pas PPP-ve, Qeveria angazhohet të krijojë një ndërmarrje të re publike, e cila do të përdorë pronat shtetërore për të realizuar vetëm apo me partnerë privatë investime që janë rentabël dhe nxisin zhvillimin ekonomik.
Lista e pronave është e shkurtër deri tani sipas Ministrisë së Financave. Zonat e lira ekonomike, dhe dy-tre prona të tjera të identifikuara. Vetëm funksionimi i korporatës do të ketë një buxhet prej rreth 3 milionë euro.
Drafti fillestar për krijimin e Korporatës së Investimeve hasi kundërshti të mëdha nga BE, dhe institucionet financiare ndërkombëtare.
Fillimisht qe parashikuar që kjo ndërmarrje shtetërore të mos i nënshtrohej rregullave t prokurimit publik. Por tani qeveria thotë se ka reflektuar.
Sipas Ministrisë së Financave korporata do jetë subjekt kontrolli nga KLSH dhe do i nënshtrohet ligjit të prokurimit publik, kur prokuron fonde shtetërore dhe rregullave të donatorëve kur përdor paratë e tyre.
Kështu, për sot është parashikuar ky Rend i Ditës:
