Seancë plenare, Parlamenti i Edi Ramës voton heqjen e imunitetit të Sali Berishës, opozita në protestë

Seanca e sotme plenare e Parlamentit të Shqipërisë do futet në analet e parlamentarizmit shqiptar dhe jo vetëm, ku i gjithë përkushtimi i koalicionit qeverisës Rama-Basha që shpenzon energji shumë të mëdha se si të shkatërron opozitën, do të finalizohet me votimin për ti dhënë leje SPAK-ut për ta arrestuar liderin e opozitës dhe duke mos i lejuar më ngritjen e Komisionieve Hetimore, si arma e vetem politike që kishte deri sot opozita shqiptare.

Kështu, Parlamenti i Edi Ramës do të votoj kërkesën “Për dhënien e autorizimit nga Kuvendi për arrestimin/heqjen e lirisë së deputetit z. Sali Berisha, nëpërmjet zëvendësimit të masës së sigurimit”, autorizim i cili në momentin kur SPAK nisi procesin kundër Sali Berishës tha se ishte i nevojshëm.

Nga ana tjetër, opozita ka paralajmëruar protestë kundër veprimeve të Edi Ramës me mazhorancën e tij që po e tërheq zvarrë këtë vend drejt shkatërrimit total; Apo siç është shpreh dhe vetë ky injorant politik, derisa “Hëna të bëhet djathtë”!

Dhe, sot si Pikë e 8. e Rendit të Ditës është dhe ceremonia e varrimit përfundimtar të së drejtës opozitare duke miratuar Projektligjin “Për disa shtesa dhe ndryshime në ligjin nr. 8891/2002 “Për organizimin dhe funksionimin e Komisioneve Hetimore të Kuvendit” duke u bërë kështu dhe vendi i vetëm në botë ku për t’u hetuar veprimet e mazhorancës do të vendos vetë mazhoranca, pra, HAJDUTI!

Se çfarë mendon të bëjë Edi Rama me opozitën flet dhe fakti se nga orët e para të mëngjesit, për ti mbajtur në vijë 60 deputetët e opozitës ka sjellë para Kuvendit 800 policë të armatosur deri në dhëmbë.

Ndërkohë Garda e Republikës së Edi Ramës ishte ajo që vendoste se kush do futet në seancë plenare dhe si!