Seancë plenare, PD-PS sherr për LSI. Epilogu: Vetëm LSI e kënaqur!

Në seancën e sotme plenare të Parlamentit të Shqipërisë u miratuan Kryetarët e Komisioneve Parlamentare dhe zëvendësuesit e propozuar nga PD dhe PS, votim të cilin e bojkotuan deputetët e Partisë Demokratike ndërsa fundi i seancës ishte pazakont.

Pas një sherri rreth kërkesës së Lëvizjes Socialiste për Integrim, Partia Socialiste demonstroi forcën e kartonit por jo se kundërshtoi vërejtjen e LSI që kërkoi kohë, por ishte ishte ky demonstrim i forcës së kartonit që acaroi liderin e PD dhe bëri që ata të braktisin seancën duke u ankuar në shkeljen e rregullores. Por, për “shkelje” të rregullores nuk u shqetësuan deputetët e LSI që ndryshe nga demokratët me Aleatët që braksitën seancën, ata qëndruan në sallë!

Fillimisht Nënkryetari i LSI, Petrit Vasili deklaroi se partia e tij nuk ka qenë njoftuar nga Kuvendi për të thënë praninë dhe preferencën në komisione.

”Nuk kemi pasur asnjë komunikim nga Kuvendi dhe kjo e ka bërë të pamundur të deklarojmë praninë dhe preferencën tonë në komisionet përkatëse. Ose të dalim pak minuta dhe hajde ta zgjidhim së bashku, sepse ndryshe do t’i mbetet një momenti tjetër dhe kjo jo për shkakun tonë, por për shkak të Kuvendit.”- tha Vasili.

PD kërkoi kohë për LSI-në për shkak të kësaj situate që të mund të bënte propozimet, PS u shpreh se këtë votim mund ta lënë për seancën e radhës, dhe hedhja në votim e propozimit të Kryetarit të Grupit Parlamentar, Taulant Balla ka acaruar liderin demokrat, Lulzim Basha.

Ai akuzoi Kryetaren e Parlamentit, Lindita Nikolla për thyerje të rregullores dhe bojkotuan votimin që nuk ndryshoi asgjë.

Basha: E ke nisur seancën plenare duke shkelur rregulloren. Ke miratuar rendin e ditës dhe merr urdhra si ushtare nga dikush që s’duhet të ishte në këtë sallë. Turp të të vijë.

Nikolla: Unë jam deputete e Republikës së Shqipërisë. Qetësohu të lutem, ruaj etikën e deputetit.

Basha: Ti je një manikinë që merr urdhra nga dikush që nuk duhet të ishte këtu. Me çfarë pushteti e miraton rendin e ditës?

Nikolla: Me pushtetin e votës.

Basha: Kështu është kur vendos drejtuese një si ty. Turp të vijë”!

Nikolla: Vijojmë me leximin e kryesisë së komisioneve.

Kështu Lindita Nikolla vazhdoi me pushtetin e votës, Lulzim Basha me bojkotimin e votimit, vendim me të cilin u solidorizuar edhe deputeti i përjashtuar nga Grupi Parlamentar dhe lideri historik i PD, Sali Berisha.

Lidhur me situatën e krijuar në seancën e sotme ka reaguar dhe Lëvizja Socialiste për Integrim duke sqaruar:

“Shërbimi i Seancave në Kuvendin e Shqipërisë nuk ka lajmëruar asnjë nga deputetët e LSI, në mënyrë që të bëjnë propozimet e tyre në lidhje me pjesëmarrjen në komisionet parlamentare. Kryetarja e Kuvendit, Lindita Nikolla pranoi kërkesën e LSI dhe për këtë arsye miratimi i përbërjes së komisioneve parlamentare u shty për në seancën tjetër.”

Ndërkohë Parlamenti miratoi krerët e Komisioneve Parlamentare:

Nasip Naço kreu i Komisionit të Sigurisë (PS)

Mimi Kodheli kryetare e Komisionit të Jashtëm (PS)

Eduard Shalsi, kryetar i Komisionit të Ekonomisë (PS)

Arben Pëllumbi, kryetar i Komisionit të Veprimtarisë Prodhuese (PS)

Jorida Tabaku, kryetare e Komisionit për Integrimin Europian (PD)

Albana Vokshi, kryetare e Komisionit për Shëndetësinë (PD)

Agron Gjekmarkaj, kryetar i Komisionit për Edukimin dhe Median (PD)

Ndryshe, PD dhe Aleatët kanë vendosur që të formojnë tre grupe parlamentar, ai i PD, PDIU dhe ai republikan me PR, PAA, LZHK dhe PBDNJ. LIderi historik është deklaruar si anëtar i Grupit Parlamentar të PD por në shkresën e saj kjo parti nuk e ka përfshirë në këtë Grup ndërkohë fati i LSI ende nuk dihet meqë i mungojnë 3 deputetë.