Seancë plenare/ Presidenti “i shqetësuar” i hap rrugën Edi Ramës, Parlamenti sot zgjedhë dy anëtarët e Gjykatës Kushtetuese

Sot Presidenti i Republikës ka nisur ditën duke i bërë thirrje deputetëve për të treguar përgjegjshmëri për të ardhmen europiane të Shqipërisë, pasi Presidenti e zgjodhi anëtarin e parë të saj menjëherë tani është radha e Parlamentit të zgjedhë anëtarin e dytë, edhe pse me vonesë!

Ndërkaq sa i përket emrave, Meta thekson se sa për marifetet e individëve të verbër partiakë të sistemit të drejtësisë dhe botimet kontrabandë në Fletoren Zyrtare, do t’i zbardh për publikun pak më vonë, bashkë me mbledhjet e pazbardhura të KED, dhe sqarimin e shoqëron me Nenin 179

Por, shoku Gramoz, në Rendin e Ditës nuk bënë fjalë për zgjedhjen e anëtarit të dytë por edhe anëtarin e tretë të Gjykatës Kushteteuse dhe zhurma që bënë Presidenti është e paqartë kur ata janë paracaktuar me ndihmën e tij!

Kështu seanca plenare ka sot këtë Rend të Ditës, ku Pika 5. dhe Pika 6. flasin për dy kandidaturat për anëtarë të Gjykatës Kushtetuese ku Arta Vorpsi kalon sot formalisht meqë Presidenti nuk u shpreh, dhe në votim sot kalojnë Elsa Toska dhe Fiona Papajorgji, ku votimi me 3/5 e votave nuk do të ketë kuptim pasi zgjedhja me autamatizëm e Vorpsit hap rrugën e përzgjedhjes ashtu siç e ka menduar Edi Rama:

Dhe që në fillim të seancë plenare, Kryetari i Parlamentit, Gramoz Ruçi tha se ka kërkuar mbledhjen e Këshillit të Legjislacionit për të diskutuar mënyrën se si do të zgjidhen kandidatët për Gjykatën Kushtetuese.

Ndryshe, situata të cilën bënë sikur nuk e kupton Ilir Meta është kjo!

Këshilli i Emërimeve në Drejtësi, KED, i ka dërguar Kuvendit dy listat e renditjes së kandidatëve për dy vendet vakante, më 14 tetor 2019. Sipas ligjit, Kuvendi duhet të shprehet brenda 30 ditëve për të zgjedhur.

Pavaërisht se çfarë thotë Meta, dy listat e kandidatëve që i janë paraqitur Parlamentit dëshmojnë se kemi me kandidatë të paracaktuar.

Për 4 vende vakante, dy të Presidentit dhe dy të Parlamentit, janë në garë 6 persona: Arta Vorpsi, Fiona Papajorgji, Elsa Toska, Besnik Muçi, Marsida Xhaferllari, dhe Regleta Panajoti. Të katërt të parët janë kandidatë edhe në listën e Presidentit, edhe në atë të Parlamentit.

Në datë 5 nëntor, Presidenti Meta zgjodhi kandidatin Besnik Muçi nga lista e tij e parë. Presidenti kishte afat për të zgjedhur anëtarin e dytë deri më datë 8 nëntor, por ai nuk u shpreh. Ligji për vetëqeverisjen e sistemit të drejtësisë parashikon zgjidhjen e ngërçit me emërimin me automatizëm të kandidatit i renditur i pari nga KED që është anëtari i dytë nga Presidenti, Arta Vorpsi, që shprehur pa politikën e Ilir Metës ajo tashmë anëtarja e tretë e Gjykatës Kushtetuese.

Sot në listën e parë për të zgjedhur kandidatin e parë nga Parlamenti, KED-i ka renditur:

• Zëvendësimi i Vladimir Kristos, vakancë e shpallur nga kuvendi
1. Arta Vorpsi 89.642
2. Elsa Toska 85.428
3. Besnik Muçi 81.928

Pra, këtu ka ngelur për votim vetëm Elsa Toska!

Në listën e dytë të Parlamentit, KED-i ka renditur:

• Zëvendësimi i Bashkim Dedjas, vakancë e shpallur nga Kuvendi
1. Arta Vorpsi 89.642
2. Fiona Papajorgji 88.785
3. Elsa Toska 85.428

Pra, pavarësisht përrallave të Presidentit këtu ngelet Fiona Papajorgji, pavarësisht se kush e mbështet, Ilir Meta apo Edi Rama, ajo ngelet kandidatja e vetme që mund të votohet, dhe nënkupton zgjedhjen e kandidatit të pestë të Gjykatës Kushtetuese, gjithçka tjetër është politikë Meta-Rama që rrjedhë nga Marrëveshja e Shkodrës dhe sot po mundohet të mbulohet me konflikt! Konflikt i cili në praktikë nuk ekziston!