Seancë plenare, Presidenti nuk shkarkohet, votohet pazari Rama-Meta

Sot seanca plenare e Parlamentit të Shqipërisë nuk do të votoj propozimin për shkarkimin e Presidentit të Republikës, Ilir Meta, ashtu siç theksonte iniciativa për Komisionit Hetimor të 55 deputetëve rilindas, por pasi Komisionit Hetimor “Për kontrollin e ligjshmërisë së veprimeve të kryera nga ana e Presidentit të Republikës së Shqipërisë, në kuadër të ushtrimit të kompetencave të tij lidhur me zhvillimin e zgjedhjeve për organet e qeverisjes vendore si dhe për të kontrolluar ligjshmërinë e veprimeve dhe procedurës të ndjekur nga Presidenti i Republikës në kuadër të emërimit të gjyqtarëve kushtetues”, konstatoi se Presidenti ka shkelur Kushtetutën, këto shkelje thotë nuk kishin pasoja dhe nuk mjaftojnë për ta shkarkuar!

Pra, pas Raportit përfundimtar të Komisionit Hetimor, pritet të votohet pazari përfundimtar Rama-Meta dhe Presidenti i Republikës, Ilir Meta, të dal si qelibar ashtu siç doli pas videos që shkaktoi 21 Janarin. Duke u shpallur në funnd nga rilindasit e Edi Ramës : Presidenti që duam!

Gjithsesi,sot seanca e Parlamentit të Shqipërisë me tre pika ka vetëm këtë pikë të Rendit të Ditës për tu shqyrtuar:

Raporti përfundimtar i komisionit hetimor “Për kontrollin e ligjshmërisë së veprimeve të kryera nga ana e Presidentit të Republikës së Shqipërisë, në kuadër të ushtrimit të kompetencave të tij lidhur me zhvillimin e zgjedhjeve për organet e qeverisjes vendore si dhe për të kontrolluar e
ligjshmërinë e veprimeve dhe procedurës të ndjekur nga Presidenti i Republikës në kuadër të emërimit të gjyqtarëve kushtetues”. (Ligji nr. 8891, datë 2.5.2002 “Për organizimin dhe funksionimin e komisioneve hetimore të Kuvendit”, neni 25 Rregullore Kuvendi, votim i hapur, shumicë e thjeshtë.