Seancë plenare, sot diskutohet miratimi i buxhetit faktik i vitit 2023

Kthimi i deputetëve të opozitës në punimet e Parlamentit të Shqipërisë pas vendimit të Gjykatës Administrative i ofron qytetarëve shqiptarë një seancë plenare ku çështja më e rëndësishme është shqyrtimi i projektligjit “Për miratimin e buxhetit faktik të vitit 2023”.

Bedelët e Edi Ramës tashmë të shpërndarë në 2-3 parti dhe grupe kaçakësh sot edhe mund të mërziten por sot do të diskutohet edhe projekvendimi “Për disa ndryshime në vendimin nr. 69/2021 “Për caktimin e anëtarësisë së komisioneve të përhershme të Kuvendit”, i ndryshuar.

Ndryshe, sot pritet rikthimi i deputetëve të përjashtuar të PD në seancë, pasi Gjykata Administrative shpalli dje vendimin mbi dënimin nga Këshilli i Etikës nga 40 deri në 60 ditë.

Për deputetët Gazment Bardhi, Flamur Noka dhe Bledion Nallbati, Gjykata Administrative vendosi shfuqizimin e pjesshëm duke lënë në fuqi përjashtimin me vetëm 10 ditë, pra nga data 3 deri me 13 tetor; ndërsa për deputetët e tjerë është lënë në fuqi përjashtimi me 5 ditë nga data 3 deri më datë 8 tetor.

Kështu, seanca e sotme plenare ka këtë Rend të Ditës:

RENDI I DITËS
Në mbështetje të urdhrit nr. 77, datë 5.11.2024 të Kryetares së Kuvendit, znj. Elisa
Spiropali, rendi i ditës është si më poshtë vijon:

1. Miratimi i procesverbalit të seancës plenare të datës 31.10.2024.
   (Neni 44, pika 2, të Rregullores së Kuvendit)
2. Njoftime
   (Neni 44, pika 3, të Rregullores së Kuvendit)
3. Projektligji “Për miratimin e buxhetit faktik të vitit 2023”.
   (Në mbështetje të neneve 78, dhe 83, pika 1, e 158, të Kushtetutës, dhe neneve 55,
   dhe 73-77 të Rregullores, shumicë e thjeshtë votash për miratim)
   Pyetje
   Shprehet nismëtari
   Shprehet Komisioni përgjegjës për Ekonominë dhe Financat.
   Diskutime
   (Shprehen grupet parlamentare.)
   Koha e votimit
4. Projekvendimi “Për disa ndryshime në vendimin nr. 69/2021 “Për caktimin e
   anëtarësisë së komisioneve të përhershme të Kuvendit”, i ndryshuar.
   (Në mbështetje të nenit 78 të Kushtetutës, si dhe neneve 21 dhe 55 të Rregullores së
   Kuvendit)
5. Projekvendimi “Për një ndryshim në vendimin nr. 70/2021 “Për caktimin e
   anëtarëve zëvendësues së Komisioneve të Përhershme të Kuvendit” i ndryshuar.
   (Në mbështetje të nenit 78 të Kushtetutës, të neneve 21 dhe 55 të Rregullores së
   Kuvendit)
6. Diskutime për çështje jashtë rendit të ditës.
   (Në mbështetje të nenit 45 të Rregullores së Kuvendit: Çdo deputet mund të flasë jo
   më shumë se 5 minuta dhe nëse diskuton në emër të grupit parlamentar, jo më shumë
   se 8 minuta. Koha e diskutimeve për çështje jashtë rendit të ditës nuk mund të jetë më
   shumë se 60 minuta.)